Di labik halei hu bhap bani bangsa Khmer daok diuk rai, inem takai di urang lin ao hijao jeng caik inem bak di angaok dom canah jalan, baoh sang bac saong baha. Di xa Lai Hoa, labik Ndon Bien phong Lai Hoa dang takai, jabat ini bhian pambuak bruk haong pakat ủy ndang, karja puk palei peih ngak bruk nao rivang, alin brei pandap ka dom baoh sang kathaot, kan kandah, daong bruk ngak mbang ngak huak, ba brei pok jien bac “Paglaong takai yam di adei tame sang bac”, hu daong ka rilo anek saih urang bangsa Khmer kathaot yam tapa kan kandah, hu siam laghaih piah bac megru, raong ba hatai caong khin bac megru naih jioy, dak padang bruk mbang angui.

Tal bac akhar huruh urang bangsa Khmer dalam tukvak padeih pandiak he kayua Ndon Bien phong Lai Hoa pambuak bruk haong puk palei peih ngak nan lac brei mboh ka bruk sangka. Bruk ngak ini hu rik daong khik ramik, patagok sap ndom panuac mayai, akhar huruh di bhap bani urang bangsa akik; langiu di nan daok daong ka dom adei anek saih bhum tapain negar. Di van pataom iek veik tal bac, Đại tá Hà Huy Trường, Phaok Chinh uy Mbang Tacei pato BĐBP ban Can Tho, pok panuac lac: “Tukvak mai meng anak tal, thun bac meng anak mai tal caong khin njauk ngak siam bruk tacei pato, ba jalan di pakat angaok, pambuak bruk haong pakat ủy Đảng, karja puk palei, dom sang baha dalam bruk pathau khan, jak ba dom baoh sang, dom kamuan hu mbaok tame dom tal bac sap Khmer dalam vaktu padeih pandiak he ngan haong rilo anek saih jang, bruk bac megru ka nyu siam gheih jang, peih ngak rilo bruk ngak langiu khoa piah pato pakai, pathram dom kamuan. Tapa di nan dak padang hu thaik binguk gheih ghang ka jalan tapain negar saong Bol lin Bien phong, caik hu rilo kadha siam gheih dalam hatung hatai dom kamuan brei ka urang Bol lin Bien phong”.   

Sa danak dak karei tra jeng ndung bak hatai anit ranam bol lin bhap bani tuk halei jeng hu Car Ndon Bien phong Lai Hoa bhian peih ngak – nan lac “Mbang darak biak karei”. Mai haong mbang darak biak karei, dom baoh sang kathaot, jaik kathaot, baoh sang kan kandah meda hu brei harak mai taduan mek ndap nda kaya daong. Dom janih pandap “0 ndong” yau brah, mi tom, pandap panda pandar bhian harei, khan ao… hu parang prai tabiak piah ka mikva palih ruah.

Bruk ngak “Mbang darak biak karei” hu Ndon Bien phong Lai Hoa patui khik peih ngak meng puac thun 2024 tal harei ini. Ini lac bruk ngak biak siam gheih, bak hatai ranam, rik daong tame bruk sangka iek glang, pachreih mikva, abih di nyu lac dom baoh sang kathaot, ngak brei ka mikva chreih chai dalam hatai piah ngak ngak ngak huak, langiu di nan uak catang hatai gul pataom bol lin bhap bani labik tapain negar tasik. Yaok mbang peih ngak meda hu biak rilo pandap panda yaom jien “0 ndong” yau brah, mi dang, pandap panda pandar yaok harei, khan ao… oh lac tok daong ka mikva trun meneng naong trak dalam rai diuk, bo daok ngak brei pambak prong kadha bui sambai, hatung hatai klah tabha mai meng dom dom urang bonlin bien phong.

Ndai uy Nguyễn Quốc Hân, Chinh tri vien Ndon Bien phong Lai Hoa, Bol lin Bien phong ban Can Tho, daok brei thau: “Tukvak anak tal, Pakat uy, Mban Tacei pato Ndon Bien phong Lai Hoa meda patui peih ngak saong patagok baoh jeng siam mekre di bruk ngak ini. Ini lac bruk ngak biak hu makna, brei mboh bruk sangka,  hatung hatai di dom urang jaka, bol lin Bien phong gam haong dom urang ngak pah hala, urang daong”.

Meng dom mbang darak pasar anit ranam, dom tal bac akhar huroh Khmer kein laghaih, danak dak pok jien bac paglaong takai yam adei tame sang bac tal bruk sangka, klah rabha yaok binah pandap sit sot, hatung hatai bol lin bhap bani di tapen negar dak harei dak uak kajap jang. Dom bruk ngak hu makna di dom urang jakar, bol lin Ndon Bien phong Lai Hoa blaoh saong daok ngak brei pasiam veik bruk ngak bien phong taong abih bhap bani, dak padang bhum tapen negar khang kajap, saron mbon sampurna./.