Nghe nhan Y Đhin Niê, daok mbon Triă, xa Ea Tul, tinh Dak Lak urang daok dam thau dak dalikan khan Randaiy jeng ye yuk talak bangsa Randaiy. Cei Y Đhin Niê brei thau lac, talak oh lac raok kreim biasa bhian, blaoh nyu daok yau ye baoh kadha dalikan ilamu, njauk brei caik hatai njauk ba tame hatai baoh. Mayah urang daok dam dara oh bac magru, oh khik ramik yau ye ragam ragu di talak, sap adaoh kưt, eirei dak harei dak jua dak taba. Nghe nhan Y Đhin Niê ndom mayai lac:

“Ralo urang dom mayai lac ngak talak nyu mbuan, min oh lac thei ngak jeng hu, kayua ngak yau habar brei ka nyu hu ragam pang bingi pang gheih. Urak ini, di dalam mbuôn palei, dom urang main taha thun dak harei dak nao taom muk kei daok anek dam dara taeng sa drei ngak talak ini jeng. Akau dahlak njauk pato padar brei ka adei gauk thau ngak kalak, daong ka ragam ragu ilamu bangsa di drei juai lahik, oh var hu.”

Di baoh sang atah bangsa di Buôn Phơng, xa Ea Tul, tinh Dak Lak, nghe nhan Y Khim Niê Siêng taih tame yaok baoh chiêng, khan ka uranaih pang brei ka dom harei raya chreih sambai, brei ka dom baoh ragam ragu sap yava di nyu. Tui ong, yaok ragam caing yau ye panuac padar di ilamu Êđê hu hadiuk mayah hu jao brei. Ong druat druai dalam hatai mboh jaman uranaih harei ini atah di sap gaong caing, yau nan ye kham marat tame bruk pato padar. Nghe nhan Y Khim Niê Siêng brei thau lac:

“Caing ieu lac janih ragam ragu oh jua hu di ilamu bhap bini bangsa Randaiy. Caing bhian brei main pandar dalam dom harei mbang akaok padai, matai lahik (main saong gar), harei uan prein yawa, harei yang kabau, lamo manuka da jeng ye harei raya dalam sang, harei padang sang barau… Ragam ragu gong caing gam saong ilamu adat cambat di buôn palei. Caing oh brei atah hu di dalam  mbang angui bhap bini. Kayua yau nan ye, khol akau dahlak lac urang nao dalau njauk pato padar anek kamuan oh brei war hu ilamu bangsa kayua mukkei drei caik mai.”

Gam saong dom hai jai anit ranam ragam ragu bangsa, nghệ nhân Y Lương Niê daok di Buôn Triă, xã Ea Tul, tỉnh Đắk Lắk ye gam saong talak kèn đing năm. Meng ragam druat druai dalam ndam matai mai tal harei raya bui samabai, ông tuk halei jeng saneng ngak yau habar brei ka aneik taco ba ragam ragu sap đing năm gam tame miat dalam bhap bini. Y Lương Niê ndom mayai lac:

“Meng kan, ragam đing năm brei sa janih ka nđám matai. Harei ini, nyu daok brei yava sap tame ralo harei raya dalam bhap bini. Piah khik hu ilamu naih gheih ini, nyu njauk brei pato padar ka uranaih adei gauk.”

Meng ragam talak kreim laa, ragu caing gong gang, tal sap đing năm harit harao…, dom urang main gong caing bangsa Êđê di Đắk Lắk daok kham marat brei ka sap ragam ragu bangsa yava miat miat dalam bhap bini bangsa. Nyu ba dom anit ranam jeng ye caong khin brei ka uranaih dam dara tahu ranam thau anit thau bac magru khik ramik ragam ragu ilamu di bangsa drei./.