Xa Phan Sơn bahrau, tinh Lam Dong hu padang meng bruk pagam xa Phan Sơn saong xa Phan Lâm di huyen Bắc Bình, tinh Binh Thuan klak taneh labaih 584 km2, rahra 7.428 urang. Ini lac xa hu rilo mikva urang bangsa takik diuk rai, yau ye K’Ho, Raglai, Cam…

Ngak karja palei dua pakat, jabat UB Bhap bini – HĐ Bhap bini xa Phan Sơn klak hu pandar ngak jabat UB Bhap bini – HĐ Bhap bini xa Phan Sơn bahrau, daok jabat UB Bhap bini – HĐ Bhap bini xa Phan Lâm klak ngak jabat di Ndang uy xa saong Pasak Duh bruk karja (Pasak).

Meng akaok bilan mbiah tal ini, Pasak hu taduan labaih 50 harak gar, rilo meng lac mbaoh tangin mboh tra saong harak gar baoh sang. Dalam nan, rilo meng di nyu ieu lac ngak harak gar online. Tal ini, langyah hu dom harak gar nan. Ong Mang Ngọc Thiết, phaok Yam dnok Pasak brei thau, urak ini Pasak tok hu 3 urang nan tuk hu rilo rahra pambuak pabak harak gar ye brei cang. Langiu di nan, pasak oh ka hu anek inem karei di drei saong akhar mbaoh harak piah duh ka bruk ngak.

“Jamraik urak ini bhian gleh chung kayua jalan pabak jeng yau majam phan mem harak baoh sang oh ka khik kajap ka asal kadha pabak kadha. Urang mai anak tapak rilo. Langyah tapak samar drah. Daok bruk pabak harak mbaoh tangin atau jao brei taneh rilo, urak ini oh ka hu tacei ba. Mikva jeng oh ka thau di Pasak brei taduan janih harak gar halei yau nan ye nao tanyi sua dom jabat dom mban jabat karei.”

Kayua di ini daok rilo urang oh thau akhar huroh, smart phone jak jeng hu pandar takik, gam haong di nan hu dom boah sang rahra oh ka hu ngak cambaih laih angan ndien tu pakat 2, oh ka hu lek taka phone piah pabak tame he thong majam jitvu karja pakat negar, nan jeng ngak bruk taduan harak gar online.

Dai uy K’Sáng, Akaok Kong an xa Phan Sơn, tinh Lam Dong brei thau, urak ini di dom xa, ban sit di huyen Bac Binh klak tok hu xa xa Bắc Bình bahrau hadei tuk pagam lac taduan saong ngak cambaih laih angan ndien tu pakat 2 ka mikva.

“Khol drei meda tacei ba, daong mikva thau saong jeng meda mek harak ngak cambaih laih angan jamraik ndien tu di urang daong khan. Lac dalam baoh sang tok khin hu sa urang pandar smart phone saong hu ngak cambaih laih angan tanut pakat dua ye khol drei padaong urang nan khan ka drei urang karei dalam sang.”

Langiu nan, UB Bhap bini xa oh ka rabha bruk dang ginup ka urang di dom gah piah langyah harak gar karja di angaok majam phan mem sa pabah bambang, nan kan meda panduan dom harak gar karja piah langyah. Ong Mai Văn Đăng, Akaok UB Bhap bini xa Phan Sơn brei thau, kayua ini lac bhum hu rilo urang bangsa takik, taneh praong, srau kadau, dalam tuk nan, rilo gah oh ka hu harak gar tacei ba cambaih laih.

“Khol dahlak ye bahrau mai, rabha pakat rabha quyen ye rilo min kurang tacei ba, xa ini ye caik asal kadha ini, xa daih ye mek asal kadha karei, brei roh duah, bac tanyi saong tanyi panuec tacei ba di pakat angaok ka meng salah blaoh bruk rabha bruk ka urang pan akaok di uy mbang, yau Mentri Pato Megru saong pato pakai oh ka hu sarak tacei ba, oh ka ba tame hu dalam rabha bruk.”

Oh sa janih gaok kan kandah dalam bruk langyah harak gar karja, blaoh urang jakar, urang pan akaok kong chuc di ini jeng doak kan kandah ka labik mbang ngui, daok dang. Dom urang jakar, kong chuc ngak bruk atah di sang, bhum palei caga labik daok anak meta di dom sang daok rahra dom palei. Urang dang akaok xa Phan Sơn brei thau, brei samar drah patrun kan kandah, tavak tavaiy meng akaok meti piah gam saong 44 xa, phuong, bhum ndac khu angaok labik tinh Binh Thuan klak ba tame ngak lagaih bruk ngak karja bahrau, jaik taphia rahra jang./.