Tinh Binh Duong hu 29 labik ngak kong, dui pachreih hu jiak 2 trieu urang ngak mai meng rilo tỉnh, ban dalam negar saong negar langiu. Meng dom urang ngak nan, bruk khin hu sang daok lac biak praong, abih di nyu lac urang ngak kong, urang ngak hu jien mek tame takik. Ong Nguyễn Hồng Hải, Kiến trúc sư trưởng Công ty Đầu tư - Patagok kong nghiep di Tổng công ty Becamex IDC brei thau, kong ty hu roh duah  ba tabiak rilo bruk padang ngak ka nyu lagaih:“Sang daok xa hoi brei hu sa bruk ngak ginup meng quy hoach, thiet ke piah ngak habar husiam di abih ka gah pandar. Tapa nan, taong abih bruk thiet ke, padang ngak, khik iek, ba tame pandar ye brei sahaneng kuhria dalam piah hadei ini sang hu tal tangin urang brei patak pataom tuk pandar. Khol dahlak brei ngak piah nyu lagaih  haong prein urang bayar jien, lagaih haong ilamu jeng yau jalan diukrai di urang hu blei sang daok xa hoi”.

Yaom lac Bình Dương hu maong lac tỉnh ba akaok nao dahlau saong lac labik hadah dalam padang ngak sang daok xa hoi min meng jaik 2 trieu urang ngak ye sang ngak tabiak oh ginup ka urang khin blei. Nan ye, urang ngak jeng daok daok dalam  dom labik sang trọ sit sot, mbaih mbaoh. Muk Nguyễn Kim Loan, Chủ tịch Liên đoàn Lao động tỉnh Bình Dương brei thau, thau lac urang ngak hu makna praong  dalam bruk cak rok patagok di tỉnh, nan ye urang ngak praong di tỉnh  hu dom sarak daong, sangka. Dalam nan, brei caik hatai sangka rilo tal bruk padang ngak sang daok xa hoi ka urang ngak kong. Piah urang ngak hu siam lagaih di abih tuk palih ruah Binh Duong ngak palei ka dua ye brei padang ngak rilo veik sang daok xa hoi.“Mboh lac urang ngak mai Binh Duong ngak bruk biak caong hu labik daok tani tanat piah sahanang hatai ngak bruk Nan ye, gah công đoàn kol dahlak daok pok panuac likau urang ngak prong di tỉnh, dom jabat chuyen mon ngak habar piah yaok urang ngak caong pah, khin blei sang daok xa hoi  ye hu pabak brei yau hatai cong khin. Dalam nan, khol dahlak caik hatai rilo bruk, jalan ngak pambuak tal dom sarak piah ngak habar ka urang ngak hu mbuan lagaih di abih piah piah pah, piah blei sang daok xa hoi”. 

Tui Danak dak “ Buh jien tame padang ngak takik di nyu 1 trieu baoh sang daok xa hoi ka urang hu jien mek tame takik, urang ngak di labik ngak kong vaktu 2021 -2030” di Rajaei, Bình Duong hu jao brei padang ngak jiak 87.000 baoh sang dut haong bruk kuhria mboh dahlau lac jaik 116.000 baoh sang daok xa hoi dalam vaktu 2021-2030.  

Yau nan min, bruk peih ngak, ba tame pandar sang daok xa hoi jeng gaok rilo kan kandah saong tavak tavaiy ngak ka  ralo po dau tu oh mbak carak, yau: kurang taneh, kan mesre phun jien laba lap, harak gal dui atah…Langiu di nan, urang blei sang  daok xa hoi jeng biak kan blei hu sang, kayua dom bruk pambak tame yau jien mek tame, labik daok, tukvak blei bao hiem…

Ong Phan Cao Phúc, Pho Chủ tịch Hiệp hội sang danaok taneh riya tỉnh Bình Dương brei thau, urak ini Hukum sang daok saong Hukum pablei salih birau, hu lang talaih meneing dom kan kandah, tavak tavaiy di po dau tu saong urang blei sang dao xa hoi. Piah urang ngak samar blei hu sang daok xa hoi ye njauk brei iek veik jien jung mesre:“ Phun jien blei sang daok xa hoi kayua Gilang pariak Karja Viet Nam peih brei mesre tukvak tapa bhap bini daok huac kayua jien laba glong. Caong khin  Rajaei saong dom jabat dalam nan hu Gilang pariak karja Viet Nam brei iek veik yaom jien laba, trun biar jang piah mikva meda mesre hu saong mbuan blei hu sang daok dalam tuk daok rilo kan kandah yau urak ini”.

Dalam tuk daok cang adat hukum hu ramik pasiam ye doanh nghiep caong khin  dom kan kandah di urak ini brei hu bruk tacei pato ngak catang di urang pan akaok tỉnh Bình Dương piah lang talaih kan kandah ka sang daok xa hoi. Hu yau nan, meng ngak hu bruk ba tabiak hu makna biak praong lac ba mai labik daok tani tanat ka dom urang daok caong hu. /.