Baoh sang ong Mã Chất saong amuk Mã Thị Lạc daok di palei Lâm Giang, xa Ham Thuan Bac, tinh Lam Ndong (labik huyen Ham Thuan Bac, tinh Binh Thuan klak) nan lac sa di dalam 7 baoh sang hu Karja daong jien piah padang ngak veik kayua baoh sang klak di gait jaleih abih tuk aia sua barau tapa.

Gam tui bruk kham merat di dom gah, di meng kreh bilan 1 bahrau tapa, baoh sang bahrau gam song ginup abih ndap nda dalam sang hu jao brei ka hadiuk pasang ong Chất, amuk Lạc. Angaok mblang taneh 62 m², baoh sang hu padang ngak khang kajap, pabak hu hatai caong khin daok hu suai lavik.

Amuk Mã Thị Lạc brei thau, hadei di tuk Karja jao brei baoh sang bahrau, puk palei daong brei drei limo binai ine piah ka nyu brei menek jeng ralo drei.

Jeng njauk khat lahik trak mai meng aia ndik aia sua, min ngan haong hatai kham merat yam tapa kan kandah, hadiuk pasang ong Thông Tiếp saong amuk Thông Thị Xuân kham merat pasiam veik bruk ngak mbang pala drak, grap tanat rai diuk. 

Ong Tiếp brei thau, baoh sang hu 500 gang phun thanh long, mbang hajan ribuk meng blaoh aia ndik glaong rilo harei ngak ka bein apuk thanh long di ong njauk ia dauk tal jung ghang. Hadei di tuk aia trun, mong mboh taong abih bruk daok bal glai bal klo, min jeng njauk kham merat ngak taong abih jalan, pasiam hu gang thanh long halei thau gang nan. Ong Tiếp drut droi khan mayai lac:

Mai palei Cam Yang Mau, xa Ham Thuan Bac, tinh Lam Ndong dalam dom harei puac bilan Mat ini, ala pandiak kanjik, hala dok bhong pauk katam hadah tanjak par par angaok canah jalan nao tame palei.

Jalan nao tame palei hu tuh mbeiy tong hacih sa-at gheih mekre. Rilo baoh sang bahrau tamuh tagok dua gah tapen jalan. Nao Cagar rah tui ar kraong, dom bein njam patam that hijao, dom baoh pakuang bingu caga Tet pakacah gauk nerak sambo ngak jeng sa mbaok meta bahrau brei ka palei Cam Lâm Giang dalam thun bahrau ini.   

Ong Thông Minh Đồng, Akaok palei Lâm Giang, xa Ham Thuan Bac brei thau, mbang hajan ribuk meng blaoh dalam palei hu 349 baoh sang njauk ia sua (tanut khut khat karei di gauk). Tukvak masa meng blaoh, hu bruk sangka di Ndang, Karja, jaik abih dom baoh sang njauk ia sua ini hu pasiam dom khut khat kayua bala meng langik tasik ribuk sua ba mai, abih urang bhap bini tabiak pren kham marat ngak mbang pala drak.

Meng dom laok njam, bein traong, mblang hamu padai, bein thanh long daok cak that hijao, ye hatai jia tame sa mbang ngak bahrau hu pakhuah tagok ngan haong mikva urang Cam palei Yang Mau, xa Ham Thuan Bac.

Ong Đặng Ngọc Long, Akaok Duk Kinh te xa Ham Thuan Bac, tinh Lam Ndong brei thau, langiu di bruk sangka di dom pakat karja daok hu bruk daong di dom urang ngak pahla di dalam saong langiu tinh piah pasiam dom khat lahik kayua aia ndik aia sua, samar grap tanat rai diuk bhap bani, daong ka mikva uan raok thun bahrau hu siam mekre raok raya Tet:

"Kuhria tal ini ye mikva bhap bani jeng mboh siam gheih jang, sang ndaok jalan mbak jeng hu karja sangka buh jien tame ngak. UBND xa patui bruk pataom tame dom bruk ngak piah sangka iek glang ka mikva, ngak yau habar brei hu sa rai diuk trei sil, chreih chai jang saong kajap hatai jia jang piah uan raok thun bahrau, piah mbang raya Tet."

Akaok thun bahrau daok mai tal angaok palei Cam Lâm Giang, xa Ham Thuan Bac, tinh Lam Ndong. Abih di nyu nan hu ieu lac tukvak masa raya pesta Tet Nguyen dan thun athaih 2026 ini jeng lac tukvak bo mikva Cam Awar uan raok Ramưwan (sa adat cambat tanarakun meng kan di urang Cam Awar), kayua yau nan ye bo kadha bui sambai, chreih chai uan raok thun bahrau jeng glaong jang ralo dua mbang.

Grauk canah jalan palei dalam dom harei ini mblo mblat thaik binguk dom urang kamei Cam angui ao dhai, gheih ghang ndua talam salao lisei tame sang megik. Bruk chreih chai, that hadah di sambo mau thun bahrau daok hu mboh di yaok baoh sang urang Cam ngan haong hatai caong khin ka sa thun bahrau bak haniem phol saong bak trei sil.