Di palei Baoh Dana Chất Thường, xã Phước Hậu, baoh sang barau di muk Năng Thị Đội barau ngak blaoh dil samu raok Tết Nguyên đán. Dalam sang barau daok mbau ia cur ia simang, hatai drut druai uan tabuan ndik tagok ia mbaok di urang kamei barau tatuak drei kayua rabuk sua meng blaoh. Muk Năng Thị Đội brei thau lac: “Sang drei dauk ba kia, pasang matai. Urak ini Karja dong ngak brei sang mboh biak uan tabuan lo. Hu bonlin bộ đội mai dong, ba abih hatai mada jeng ngak malam ngak harei. Drei buh pabak jien tame piah brei hu sang siam gheih yau ye ini. Drei ndua dhar phon biak ralo.”

Oh taeng baoh sang muk Đội, ralo baoh sang daok kan di dalam xã Phước Hậu jeng hu daong brei padang ngak ka khang karo, daong mikwa sanang hatai ngak mbang dalam raidiuk, raok uan harei raya Tết dalam bui sambai. Ông Nguyễn Thanh Sang, Phó akaok UBND xã Phước Hậu, tỉnh Khánh Hòa ndom mayai lac: “Xã Phước Hậu ngak blaoh dom baoh sang, tantu kajao karo khang kadang, dil sumu brei ka mikwa mbang tet raok uan harei raya Tết Nguyên đán 2026. Mikwa biak uan tabuan chreih sambai dhar phon tal Đảng, Karja hu caik hatai ieik glang.”

Bui sambai Tết daok mai awal tal dom anek saih boah sang kan di dom baoh sang bac magru yau ye sang bac Tiểu học Hòa Thủy, Sang bac Tiểu học Thành Tín, Sang bac Tiểu học Chung Mỹ, tuk dom adei taduon mek kaya hadiah dan song jien dong blei kaya uan harei Tết. Ông Phạm Hữu Luận, Chủ tịch akaok Ủy ban MTTQ Việt Nam xã Ninh Phước, tỉnh Khánh Hòa brei thau: “Tapa sua rabuk meng blaoh, ralo urang ngak pah hala  hu mai dong mikwa palei. Tết Asaih Bính Ngọ ini, di dom caik hatai saneng kuria pambak praong, dalam nan hu mai tal mikwa bangsa Cam, dong ka mikwa bangsa bui hatai raok uan harei Tết bak dom anit ranam jang.”

Di tỉnh Khánh Hòa bon lin Binh chủng Đặc công, Mintri caga nagar Bộ Quốc phòng brei padang 48 baoh sang ka bhap bini bhum ia sua. Gam tui di nan, jaik labaih 500 urang jakar, urang chiến sĩ bonlin, parabha jeng 39 tổ ngak bruk, dang di palei, harei malam dang ngak, ndik tapa dom labik dhua daong padang blaoh baoh sang dalau masa tuk wak dak dalau.

Langiu di jien dong di Karja nagar, Kapul Binh chủng Đặc công daok jak ba tatom rik di ralo labik piah ka dom baoh sang ngak barau oh lac sa janih sang siam sang khang blaoh daok hu ndap nda kaya caik padang pandar dalam sang. 30 baoh sang di Khánh Hòa hu brei jao gam tui yaom jien labaih 1 tỷ đồng. Thiếu tướng Nguyễn Quốc Duẩn, Chính ủy Bon lin Binh chủng Đặc công ndom mayai lac: “Mikwa bui sambai yau halei drei akau jeng bui sambai yau nan. Ini lac dom hatai patui ba hatai jie anit ranam di khol dalak akau hulin brei ka mikwa.”

Dom tabung sang barau, dom paok kaya hadiah brei raya Tết bak dom anit ranam oh sa janih dong brei ka mikwa tapa duh kan anak mata, blaoh nyu daok pabak hatai khin caong, hatai jie tame thun barau sampurana salamat. Akaok thun barau ini, Pesta Raya Tết di bhum urang bangsa Chăm, Raglai di tỉnh Khánh Hòa bak dom sampurana – kayua lac hu ba hatai parabha, hatai anit ranam, yakyum jumpatom karo kajap./.