Tui sarak adat brei di khoan 5 Paka 4 Sarak 146/2018/NĐ-CP hu ngak pasiam veik, pabak di khoan 2 Paka 1 Sarak 75/2023/NĐ-CP; meng di harei 1 bilaan 11 thun 2023, urang bangsa takik daok di xa bhum II, III hu Karja daong 70% tanut jien kak ka bao hiem y te. Yau hadei di ini:

5. Urang bangsa takik daok di dom xa bhum II, bhum III, daok di palei biak kan kandah di bhum labik urang bangsa takik saong bhum ceik meng tukvak masa 2016-2020 blaoh dom xa ini daok di dalam dom xa bhum II, bhum III, dom palei biak kan kandah di bhum urang bangsa takik saong bhum ceik vaktu 2021-2025 tui sarak di Pedana mintri Thu tuong Rajaei.

Tui adat caik dalam sarak nan ye urang bangsa takik daok di dom xa bhum II, III, palei biak kan kandah di bhum mikva urang bangsa takik saong bhum ceik dalam masa vaktu 2016-2020 oh hu dalam angan dom xa bhum II, III, palei biak kan kandah di bhum urang bangsa takik saong bhum ceik tukvak masa 2021-2025 tui sarak di Thu tuong Rajaei hu pabak tame nyaom dom urang hu kadung jien kanja daong kak jien bao hiem y te.

Brei ka jien daong, caik di khoan 1 Paka 8 Sarak 146/2018/NĐ-CP hu pasiam, pabak di khoan 3 Paka 1 Sarak  75/2023/NĐ-CP hu brei caik adat dalam sarak yau ye:

1. Meng di harei Sarak ini hu brei pandar, sarak caik brei daong meng kadung jien kanja ka dom urang yau ye:

a) Daong abih jien kak ka bao hiem y te ngan haong dom urang daok di baoh sang jaik kathaot di dom huyen kathaot tui sarak di Pedana mintri Thu tuong Rajaei saong dom harak gar karei di jabat karja;

b) Daong kak jien takik di nyu 70% tui tanut kak jien bao hiem y te ngan haong dom urang hu brei adat di dom khoan 1, 2 saong 5 Paka 4 di Sarak karja ini.

c) Daong takik di nyu 30% tanut kak jien bao hiem y te ngan haong dom urang hu brei adat di khoan 3 saong 4 Paka 4 di Sarak ini.

Tui di yau nan ye, urang bangsa takik daok di dom xa bhum II, III hu daong 70% tanut kak jien bảo hiểm y tế.

Tui sarak adat di khoan 3 Paka 3 Sarak 75/2023/NĐ-CP yau hadei di ini:

1. Sarak ini hu brei pandar meng harei 03 bilan 12 thun 2023.

2. Tui sarak brei adat caik di khoan 1, dom tanut a saong b khoan 2, dom khoan 3, 4, 5 saong 6 Paka 1 Sarak ini hu brei pandar meng harei 19 bilan 11 thun 2023.

3. Kadung jien kanja daong ka dom urang hu brei adat di tanut c khoản 2 Paka 1 Sarak ini dalam tukvak masa 36 bilan meng di harei 01 bilan 11 thun 2023.

4. Caik brei sarak adat di khoan 8 Paka 1 saong khoan 3 Paka 2 Sarak ini hu brei pandar meng harei 01 bilan 01 thun 2019. Bruk biyar jien ieik ruak, taong ruak tui bao hiem y te meng harei 01 bilan 01 thun 2019 hu peih ngak tui sarak adat di Paka 30, Paka 31 saong khoan 2 Paka 32 di Hukum Bảo hiểm y tế saong brei adat di khoan 8 Paka 1 di dalam Sarak ini.

Tui yau nan ye, dom urang bangsa takik daok di dom xa bhum II, III hu bau di angaok hu kanja daong brei kak jien bao hiem y te dalam 36 bilan (lac 3 thun) meng di harei 01/11/2023./.