Samar tangin ngak ka nyu salah dom pandap di puac thun, sa-ai Lê Thị Huyền (umo 38 thun palei daok di Nam Định), urang ngak di Cty TNHH Sonova Operations Center Việt Nam (dalam labik ngak kong VSIP I) khan lac Cty hu dom salih bahrau dalam bruk ngak nan ye hu Tập đoàn payua brei dom đơn hàng ka sang mac di Việt Nam. Tui nan, taong abih dom urang ngak kham merat ngak piah hu pandap ngak rilo jang, tuk nan hu tăng ca, jien bilan hu tani tanat jang. “Thun ini Cty hu thưởng bilan 13, jien bilan jien thưởng ginup abih saong daok hu daong dom urang kan kandah hu harak vé radaih nao palei. Nan ye, Tết thun ini, kol dahlak mai palei dalam bui sambai kayua hu jien bilan, jien thưởng ginup abih. Dahlak caong lac tapa dom thun hadei, Cty khik hu bruk ka urang ngak, yau nan urang ngak kak kajap haong Cty”

Maong veik thun 2023 haong rilo kan kandah tuk jien bilan biar kayua oh hu tăng ca, min sa-ai Phan Thị Thùy Vân (umo 33 thun, palei daok di An Giang), urang ngak di Cty TNHH Apparel Far Eastern Việt Nam (ban sit Thuận An) jeng daok hu hatai jia lac doanh nghiệp meda samar mai veik tuk "ngak miat oh abih pandap". Anak bruk mehit lac Cty hu thưởng Tết, thei jeng bui sambai chreih chrai, kham merat ngak bruk jang, gam haong nan, caong lac daok hu daong brei piah ka urang ngak sahanang hatai ngak bruk, kak kajap haong Cty.

Thun 2023, dom doanh nghiệp gaok rilo kan kandah min tukvak ini, jaik abih dom doanh nghiệp jeng kham merat hu jien bilan, jien thưởng Tết ka urang ngak. Tal urak ini, hu labaih 1.000 doanh nghiệp di Bình Dương hu thưởng Tết ka urang ngak, dalam nan thưởng Tết Dương lịch kuhria rah tapa lac 850.000 đồng sa urang, biar di abih lac 200.000 đồng sa urang. Hu urang ngak bruk naih joi hu thưởng 71 triệu.

Thưởng Tết Nguyên đán, kuhria rah tapa doanh nghiệp thưởng 1 bilan lương cơ bản, samu 6 triệu meteh tal 6 triệu 800 rabau sa urang, biar di abih lac 4 triệu 680 rabau sa urang. Doanh nghiệp thưởng glaong abih lac doanh nghiệp hu phun jien buh tame di negar langiu lac 366 triệu  sa urang.

 Tết Nguyên đán thun ini, tỉnh Bình Dương jeng hu daong ka urang ngak gaok rilo kan kandah. Tỉnh brei kaoh tabiaik meng kadung jien karja piah daong 47.700 pok pandap ka urang ngak, yaok paok yaom 1 triệu. 

Ong Bùi Thanh Nhân, Akaok mBan Dân Vận tỉnh Bình Dương brei thau, Bình Dương hu yau harei ini, lac hu bruk rik daong praong di dom urang ngak. Dalam jalan cakrok, tỉnh hu rilo sarak khik kajap bruk ngak, sangka raidiuk urang ngak, piah “oh thei njauk klaak veik gah likuk”. Tỉnh hu buh prein yava, jien padai padang ngak sang daok xã hội piah paglaong raidiuk ka urang ngak.“Bình Dương lac sa dalam dom labik padang ngak biak rilo sang daok xã hội haong hatai caong khin dom urang ngak meng labik karei mai, hu sang daok piah tani tanat raidiuk saong kak kajap suai lavik. Caong khin công đoàn dom pakat, dom urang ngak, brei panuac ba jalan padang ngak sarak ka urang ngak, daong ka tỉnh Bình Dương cakrok abih gah”

Langiu dom paok pandap meng kadung jien karja tỉnh, thun ini, Liên đoàn Lao động tỉnh Bình Dương jeng hu daong harak vé radaih ka 1.000 urang ngak gaok kan kandah hu nao palei mbang Tết haong gauk gar, puk paga. Gam haong nan, hu panuac ieu dom kapul nyaom, menuac urang daong klah rabha haong dom urang kan kandah piah ka urang ngak hu sa Tết bui sambai, trei sir./.