Puac thun 2022 dan haong 2023 ieu lac masa tukvak gah manyim pataih khan bai jeng ye gah khan ao gaok ralo kan kandah, ralo jang di masa COVID - 19, kayua sua patagok doanh số. Dom doanh nghiệp po ngak njauk pacakak pakurang urang ngak kayua oh hu bruk ngak. Dom po ngak mbang karei njauk uak rup salih janih ngak mbang piah daong dui atah bruk ngak mbang di drei, pakaro bruk ngak mbang, dui atah bruk ka urang ngak.

Ông Ngô Thành Phát, Akaok ba bruk di Tổng Công ty Cổ phần May Việt Tiến lac, công ty kham brei ka jien bayar ka urang ngak tukik di nyu yaok urang hu labaih 11,5 triệu đồng sa bilan tagok:

Yaom lac jien mayaom Tết oh glaong tanut 1,1 jien bilan, min tapi Công ty TNHH Nidec Việt Nam (di B. Thủ Đức) hu sarak kuria daong ba ka urang ngak. Tui ong Lưu Kim Hồng, Akaok Kapul công đoàn, urang ngak mbang haong kongndoan mada rami ramik labaih 18 chruh radaih raok ba labaih 500 urang ngak haong baoh sang di nyu nao palei mbang Tết di dom tin daok gah Barak, gah Kreih nagat hang gah Pai nagar. Dalam nan, công ty daong 90% jien harak radiah, daok dom adei saai ngak hu labaih 10 thun hu daong bih jien harak radaih nao palei.

Daok di Công ty TNHH Đông Nam Việt Nam sa labih ngak tabiak ndap nda khan ao ngui cuk hu labik ngakdut tui thun, hu mbiah tal 3 paok mayaom, yaok paok mayaom hu 2 chỉ ameh SJC. Amuk Huỳnh Khánh Trân, Akaok công đoàn công ty lac:“MBang Yam ndok công ty buh tabiak labaih 500 triệu đồng để tổ kuria ka harei abih thun brei ka urang ngak. Daok jien mayaom Tết ye cang tal bilan 1 mang brei khan thau. Công đoàn mada daong jien mbaok brei ka urang kapul kongndoan ndapda haong kaya tui chruak sram piah hu mayaom jien Tet di tuk main harei abih thun”. 

Tui Liên đoàn Lao động quận Bình Tân, TP.HCM, tal harei 16/12 hu blaoh có 70/178 po urang ngak hu meng 30 urang tagok di dalam quận khan brei thau jien mayaom Tết thun Magirai Giáp Thìn 2024 ka urang ngak.

Patui di nan, jien mayaom Tết takik di nyu brei ka urang ngak hu labaih 8 triệu đồng/người. Glaong di nyu hu Công ty TNHH Bệnh viện Quốc tế City yaom mek hu labaih 250 triệu đồng sa urang, kayua jien mayaom thun blaoh; labih hu jien mayaom takik abih nyu hu 1 triệu đồng sa urang ieu lac dom doanh nghiệp urang ngak mbang di gah manyim chik khan ao. Ong Trần Đoàn Trung, Phaok Akaok thường trực Kapul Liên đoàn Lao động TP.HCM brei thau lac: “Dom danak dak di công đoàn Ban raya HCM khol dalak hulin kham marat ngak yau habar peih praong peih ralo urang taduon hu ralo kein lagaih glaong di abih. Kon dalak hulin hu patacei brei ka kapul công đoàn caik hatai kuria brei ka urang ngak gaok ralo kan kandah di drei hu ralo jien jang, gam haong njauk caik hatai jai anit ranam di abih”.

Langiu di nan, gam haong pamaong tal bruk daong ka urang ngak patakik jien cai, Khu chế xuất - Khu công nghiệp, TP.HCM mada peih ngak 9 mbang “Pasar anit ranam - Tết pataom mbaok” brei ka 30.000 urang ngak, yaom jien daong labaih 500.000 đồng sa urang di dalam masa Tết mai mang anak; pagam haong Kapul Liên đoàn Lao động ban Thủ Ðức, dom kapul liên đoàn lao động quận, huyện hadiah brei ka 4.000 paok ndap nda Tết ka urang ngak daok di sang apah kan kurang ngak bruk di labik chế xuất - Labik ngak kong di Ban raya./.