Urang cong nhân dang akaok dalam bruk ngak sáng tạo

Kuhria meng thun 1998 tal ini, saai Khiem hu rilo sáng kiến patak pataom nguyên, nhiên, vật liệu ba mai kein laba kinh te biak glaong. Pagap yau, dom thun dahlau njauk pandar 90 tal 100 kg sơn tapung angaok sa tấn pandap nhôm, meng sáng kiến di saai urak ini trun daok 70 tal 80 ks sa tấn, rik daong ka bruk trun yaom nhôm, pandap ngak praong quyết định bruk daok hu mbaok di Công ty.

Taphia di nan, meng bruk buh pren yava tabiak roh duah, ngak iek, saai pok panuac brei ramik veik ka nyu njauk dom thông số kỹ thuật piah paglaong chat lượng pandap. Tui nan, ramik veik nồng độ bể Crom dalam xử lý mbaok nhôm dahlau di tuk brei sơn tame meng 5 tal 8 điểm, trun daok sumu atau ala 5 điểm, khik ka urang ngak nduac cẩu trục hu ginup tukvak ngak dalam bể ini. Meyah nồng độ di tanut gloang yau klak, tukvak dalam bể meda lac 20 tal 40 giây, urang ngak biak kan si thao tác; nồng độ trun takik yau tanut dahlau, tukvak dalam bể lac 2 tal 3 minit, urang ngak mbuan si thao tác saong thao tác tani tanat ngak ka mbaok pandap samu yau gauk jang.

Thun 2013, saai hu ba tabiak 2 sáng kiến, salih bahrau kỹ thuật ba mai rilo kein laba ka công ty. Sáng kiến njauk caik hatai rilo jang lac pambuak atah móc tuan pandap meng 10cm tagok 20 cm, plaih hu bruk laik pandap dalam lò. Sáng kiến ini hu ba tabiak bruk padang ngak sào kép, daong paglaong năng suất di dom chủng loại pandap tagok dua mbang. Dalam dây chuyền sơn, rilo pandap hu mbaok sit atau kavong meblah tỷ lệ biak glaong, yau nan oh ka pandar hu siam khoảng không gian tuk tame buồng phun sơn ngak palai pajoa menhek, gas…kayua oh pandar hu abih nhiệt lượng dalam lò đốt, điện năng abih rilo. Tuk ngak sào tuan pandap meng đơn tagok kép meda thao tác samal yau nan ye dom pandap hu  mbaok sit patagok dua mbang. 

Lac urang ba akaok dalam bruk patagok sáng kiến, salih barau kỹ thuật, saai daok lac urang quản lý tari tarieng saong abih hatung hatian. Meng bruk drah samal, pachreih ba samal di saai, phân xưởng ô – xi hóa kayua saai dang akaok tuk halei jeng ngak siam bruk, taong abih adei saai công nhân hu bruk piah ngak, jien mek tame tani tanat, daong dom urang nan sahanang hatai kak kajap saong đơn vị. Phân xưởng di saai daok lac labik rilo thun gam oh caik rah tabiak bala tuk ngak bruk. Meng dom bruk ngak hu yau nan, 16 thun gam saai mek hu angan “ urang ngak hadah krah” saong hu adei saai công nhân, urang ngak pok brei angan lac urang ba akaok dalam bruk sáng tạo di công ty. Saai Nguyễn Văn Khiêm daok hu công đoàn xây dựng VN pok meyaom di nyaom biai điển hình tiên tiến dalam bruk pakacah “ urang ngak naih joi, ngak bruk sáng tạo” kayua dom pakat cong đoàn xây dựng VN ba tabiak tukvak tapa./.