Urang dahlau thiah ngak bol lin oh khin eik lipa, kan kathaot

          Oh khin eik lipa, kan kathaot, urang dahlau thiah ngak bol lin angan Cà Văn Inh di palei Hùn, xã Chiềng Cọ, ban sit Sơn La thau pambak tame taneh mbon di sang drei piah patagok bruk ngak mbang bein – danao – var ro. Meng jalan ngak hu ilamu, kein laba mboh di anak meta, bruk ngak mbang di sang ong hu rilo mikva dalam bhum megru saong ngak tui. Lường Hạnh, urang vak di rayo sap ndom VN daok di bhum Tây Bắc hu kadha vak yaih khan ka kreih camin ini :

Thun 1971, tuk taneh ia daok mesruh taong Mỹ, yau dom urang likei dam dalam bhum, ông Cà Văn Inh tagok jalan nao ngak nghĩa vụ quân sự, abih đóng quân di dom đồn biên giới, blaoh tapa daong taneh ia Lào. Tal thun 1987 ông hu karja brei padheih tui chế độ bệnh binh saong quân hàm đại uý.

Hadei di dom thun bilan dalam quân ngũ mai veik palei, ong sahaneng ngak habal meng abih eik, abih kathaot. Mboh palei Hùn di drei taneh riya siam, hu ia nduac meng craoh tabiak meda patagok kinh te bein đồi, caoh danao palao ikan, ong sahaneng lac meda patrun kathaot meng tukvak ini. Ông Cà Văn Inh khan lac: Caong patruh eik patrun kathaot, drei njauk kham merat yam tagok bac megru alamu di dom urang ngak mbang kinh te joi. Megru alamu kỹ thuật ba tame bruk ngak mbang, raong glang di sang drei. Ieu gam diuk anek gam ngak ye pala cà phê, pala mận hậu.”

Sahaneng blaoh, ông Inh biai saong diuk anek ramik pasiam taneh đồi, khe lạch piah patagok kinh te bein danao –var ro. Ilamu tapa bruk bac megru dom mo hinh kinh te dalam bhum, gam saong dom tal pasram pachreih nong hu ong pandar tame bruk patagok kinh te sang. Phun mận hậu hu sang pala meng dom thun dahlau daok paik baoh pablei, min kayua mikva pala rilo nan ye tuk hu baoh rilo ye nyu trun yaom, nan ye ong salih dom taneh tapa pala labaih 200 phun mận tam hoa, yaok thun mek hu dom pluh tấn mận, yaom 8 rabau đồng/sa kg. Gam saong nan, ong pala 1, 5 héc ta cà phê jeng daok paik asar, yaok thun laba hu meng 50 tal 60 triệu đồng. Langiu di nan,  ông daok buh jien caoh  500 m2 danao palao ikan. 

Akaok mereip kayua oh ka thau hu alamu kỹ thuật ông tok palao pajaih ikan palei kein laba oh glaong. Ông duah thau, bac megru ilamu, khang hatai ba pajaih ikan lai tame palao, nang suất tagok jang. Gam saong bruk raong kaya ikan dalam ia, sang ông daok raong pabui, raong menuk…dalam var pabui tuk halei jeng hu jaik 20 drei pabui rilo, yaok mbang pablei jaik sa tấn pabui hơi, yaok thun sang ông mek tame hu 60 tal 70 triệu đồng. Bruk ngak mbang di sang ong yaok thun mek hu jaik 200 triệu đồng. Tui ilamu di ông Inh:  caong paglaong năng suất phun pala, kaya raong njauk salih jalan sahaneng jalan ngak. Bruk salih phun pala, kaya raong, pandar alamu, ky thuat tame raong glang lac bruk njauk ngak : urak ini taneh riya takik, oh yau dahlau daih. Kol drei njauk đầu tư thâm canh.. Ngak habal ka nyu kein laba, năng suất glaong lac njauk pandan alamu kỹ thuật tame pala drak, raong glang. Salih phun pala, kaya raong piah patagok năng suất, paglaong jien mek tame ka sang”

Oh lac ngak kaya meda ka sang drei, ông Inh daok hu daong pajaih, alamu ngak mbang, raong glang ka mikva dalam palei, dom urang dahlau thiah ngak bol lin sang kan kandah. Ông Quàng Văn Lẻ,  akaok uỷ ban bhapbini xã Chiềng Cọ brei thau : kol dahlak mboh saai Cà Văn Inh, dahlau thiah ngak akaok kapul urang dahlau thiah ngak bol lin  xã, biak kham merat dalam bruk patagok kinh te sang. Abih di nyu nan lac bruk phun pala, kaya raong saai biak sangka. Saai lac kreih camin ka adei saai kol dahlak saong mikva bac megru”

Ông Cà Văn Inh hu karja alin Huân chương kháng chiến chống Mỹ hạng 3, Huy hiệu 30 thun umo Đảng, gam rilo harak meyaom di palei dalam bruk urang nong ngak mbang naih joi. Ông Cà Văn Inh biak njauk saong angan bộ đội Cụ Hồ-urang dahlau thiah ngak bol lin oh khin kathaot./.