Adei Nguyễn Ngọc Trinh
Sa-ai Nguyễn Mai Anh, mBan Tuyên giáo Thành đoàn Hà Nội brei thau: Biar harei 5 bilan 2, khol dahlak hu taduan sa urang tuai biak gheih karei. Tuk thau bruk adei duah mai tal Thành đoàn Hà Nội , thei jang tatuak drei saong iek praong bruk ngak hu manak biak dalam di adei Nguyễn Ngọc Trinh.
Adei Nguyễn Ngọc Trinh, đội viên Đội Thiếu niên tiền phong Hồ Chí Minh anek saih bac tal 4C1, Sang bac Tiểu học Đoàn Thị Điểm, quận Nam Từ Liêm ba abih jien adei pataom hu dalam tuk Tết Canh Tý 2020 piah blei khẩu trang saong ia rao tangin ka bhap bini ban ine.
Angui cuh khan ao anek saih tieu hoc, mbaok meta bui sambai cambuai klao melau melit, Trinh lac: Adei caong khin payua veik taong abih jien ini lac urang alin brei tuk thun birau Tết anek thak Tikuh 2020 meng bloh piah rik daong dom sa-ai rajakar, urang đoàn, dam dara ban ine blei khẩu trang, ia rao tangin brei ka mikva. Jian adei pataom hu abih tih 3.180.000 đồng pok payua veik ka Thành đoàn Hà Nội gam saong sa blah thư payua Thủ tướng Nguyễn Xuân Phúc.
Dalam harak thư payua ka urang dang akaok Rajaei, adei vak: “…Dom harei ini, iek tivi, bac harak mbao ndem ka jit Corona, kamuan biak haduh hatai tuk padeih bac daok di sang. Kamuan tuk halei jeng sahaneng saong hadar tal panuac kakei di ong “Pacang ruak yau mesruh kalin”. Yau nan ye, kamuan ba abih jien hu lì xì tuk Tết lac 3.180.000 đồng rik tame saong Thành đoàn Hà Nội piah blei khẩu trang saong ia rao tangin piah daong ka urang pacang jit ruak yau panuac ong kakei. Kamuan jeng hu mbaok haong dom sa-ai Thành đoàn Hà Nội nao brei khẩu trang saong ia rao tangin ka mikva dalam dom harei anak tal. Kamuan caong khin hu rilo ayut saong dom sa-ai đàon viên dam dara pataom mbaok tame ngak bruk ni piah meda pacang jit ruak hu siam di abih”.
Sa-ai Bùi Lan Phương brei thau, jien nan piah blei khẩu trang, ia rao tangin pametai anek ruak saong hu Đoàn Dam dara ban ine brei saoh di harei 8 bilan 2 di 6 labik inem mek, labik thắng cảnh gam saong rilo jalan dalam Ban Ine. Adei Nguyễn Ngọc Trinh hu mbaok saong urang đoàn, dam dara ban ine nao alin brei dom blah khau trang nan tal dom ayut thieu nhi saong bhap bini; tapa nan rik daong tame bruk pacang caga jit ruak kayua virus birau Corona.
Ngọc Trinh jeng brei thau: Tuk gilac veik tal bac, adei saong dom ayut dalam tal bac ngak Danak dak Pacang caga jit ruak nCoV, dalam nan khol dahlak ngak brei salah sơ đồ tư duy khan ka jit nCoV; rik khau trang, ia rao tangin alin ka ayut thieu nhi, đội viên; pathau khan tal dom ayut đội viên ka bruk pandar khẩu trang saong rao tangin hacih…
Hu thau, meng tuk tame bac, Nguyễn Ngọc Trinh tuk halei jeng kham merat ngak dom bruk di Liên đội Sang bac Tiểu học Đoàn Thị Điểm, dom bruk pachreih ilamu bac iek tapuk dalam anek saih thieu nhi Ban ine…Thun 2018, adei mboh hadah mbaok meta hu palih ruak lac Đại sứ văn hóa đọc Thủ đô. Dalam yaok bruk ngak di adei, Nguyễn Ngọc Trinh tuk halei jeng kham merat bac megru ngak tui panuac pato di Wa Ho praong uranam: “ Umo sit ngak bruk sit, tui prein yawa di drei…”./.
Urang lang: Ái Nghiêm - 10/2
Viết bình luận