Yaok tuk hajan gru pajeng anek saih nao tapa 

Menek tabiak saong prong tagok di bhum tapen bal sit Trà Vinh dalam baoh sang urang nong kathaot, kayua rai diuk biak kan kandah, bac tal tal bac 6 Thạch Huỳnh njauk padeih bac. Hadhar gru, uan ayut, uan tapuk siphau, padheih bac oh hu hadom ye Thạch Huỳnh likau amaik ame nao tame baha tu piah patui veik jalan bac megru. Thun bac 2007, Học viện Phật giáo Nam tông Khmer peih pakak tal bac akaok meti, hu peih tabiak jalan bac megru ka Thạch Huỳnh .

Meng bằng tốt nghiệp naih jioy, thun 2015 Thạch Huỳnh hu palih ruah tame Sang bac trung cấp Pali-Khmer Trà Vinh saong hu jao brei bruk langyah akhar Pali-Khmer.Baloh meng nan, langiu tuikvak pato di sang bac, gru Huỳnh daok ramik tukvak piah nao pato oh mek jien di dom baha, meng môn langyah Pali-Khmer, môn Ngữ văn Khmer, sap Anh…tal môn Tin học.Gru Thạch Hùynh ndom lac: “Dom ayut likei kumei tok tame tal bac di baha dalam tukvak hè, tukvak karei biak takik ayut hu nao bac. Kayua yau nan ye drei kham merat ba abih pren yava piah pato tacei ka dom ayut dom hagait bo drei bac megru hu”.

Langyah Pali-Khmer, lac kadha bac kan saong biak takik hu gru pato pato siam kadha bac ini. Min meng hu jaik 20 thun pathram di baha, roh duah rilo ka Phật giáo, bac rilo bộ kinh, tapuk klak gam haong ilamu bac megru, hu daong ka gru Huỳnh ngak siam bruk pato langyah Pali-Khmer – dom kadha bac dahlau diah tok hu dom ong bhik prong thun meng dang tabiak pato hu. Acar Kim Sa Rết, bac thun puac tal Trung cấp Pali-Khmer mai meng huyện Trà Cú brei thau: “Oh ta-eng hagait dahlak bo rilo acar thei jeng mboh lacgru Huỳnh hu ilamu dalam ka langyah Pali-Khmer. Langiu di nan, gru daok hu ilamu pato tacei biak siam gheih, mbuan kanar, mbuan hadar; meng ngữ pháp tal ilamu pandar baoh panuac. Meyah oh tui samu, gru halar hatian tacei pato veik biak abih hatai”.

Taphia di bruk pato tui danak dak, gru Thạch Huỳnh daok ba bruk pachreih bac tal anek saih, tal acar hatai ranam ilamo bangsa drei saong yam tapa kan kandah piah bac hu “rilo akhar Khmer”. Kayua panuac ndom, akhar vak Khmer lac kan si bac, takik bruk hu pambuak pagam tal nan ye biak takik ayut ranaih tui bac tal labik tal dhua.Gru Thạch Huỳnh brei thau, piah daong bruk bac akhar Khmer jaik taphia haong rai diuk jang, gru pandar dom tal bac di baha ba tame môn sap Anh, Tin học piah pato. Jeng meng bruk ini bo bruk bac sap Anh, Tin học di dom sang bac dalam baha urak ini biak cak rok patagok, abih di nyu lac di dom baha dalam bal Trà Vinh:

Gam pato pabak ilamo, gam pato sang bac baha, gru Huỳnh daok taduan bruk ngak di urang dang akaok công đoàn sang bac. Meng sami samar, oh huac kan kandah nan ye rilo thun ini mai gru Huỳnh ngak biak siam bruk ngak ini. Meng hu ilamu khang kajap, hu angan je, gru Huỳnh hu pok brei angan lac gru pato naih gheih di sang bac:

Yaom lac rai diuk daok rilo kan kandah, gru Thạch Huỳnh tuk halei jeng abih hatai haong bruk pato pakai, pabak hatai caong khin di Ban giám hiệu sang bac, abih di nyu lac ngan haong hatai jia di bhap bani,di baha dahlau daih gru hu mbang ndih, bac megru. Gru Thạch Huỳnh caong khin dak harei dak hu rilo anek kamuan bhap bani Khmer thau cambaih panuac ndom akhar vak, jak gauk khik ramik saong cak rok patagok ilamo bangsa di drei./.

Urang lang: Jasi -7/12