Dom gah, dom puk palei dok sangka iek glang ka mik va bangsa 

Tỉnh Trà Vinh urak ni hu labaih 400 urang hu angan je dalam bhap bini bangsa, hu ginup agama, urang nong, urang prong thun… Dom urang hu angan je dalam bhap bini bangsa rilo meng hu jalan ngak gheih dalam patagok  kinh tế, duah hu jien song yam tapa kan kandah yam tagok dalam rai duik , hadei  di tuk hu palih ruah song tapa jak ba, kapul  urang hu angan je dalam tỉnh biak kham merat ngak bruk di puk palei; pato pakai anek taco dalam bhap bini  jia tame bruk pal akaok di Đảng song karja ; dom bruk pakacah gauk anit ranam taneh ia. Abih di nyu urang lac tatua pambuak di pakat  ủy, karja, Mặt trận negar, dom kapul nyaom chính trị - xã hội song bhap bini bangsa.

Pagap yau ong Thạch Nụm daok di xã Phong Phú, huyện Cầu Kè yaom lac umo labaih 60 thun, bo harei harei jeng dok nao jak ba pasiam veik jalan, padang sang bac, ieu mik va jum pataom dak padang rai duik ilamu …  Kayua ong mboh lac makna kan kathaot di mik va  Khmer dalam palei lac kayua kurang ilamu, jalan nao mai kan kandah. Meng nan, yaom lac nao mai biak kan kandah min  18 thun ni mai ong jak ba hu taneh  padang  07 balik bac; jak ba bhap bini  ngak jiak  14km jalan palei. Hu jalan  bê tông ong salih tapa  ngak palahik tatua “cầu khỉ” song hu mik va dalam palei rik pataom hu labaih 200 triệu đồng, yaok ribau harei ngak piah padang bahrau 23 mbaik tatua bê tông sit. Ong Thạch Nụm biak njauk hatai haong panuac Wa Hồ pato lac abih drei ka bhap bini ka taneh ia, khik hu bruk jum pataom ye hu bhap bini pang tui. Piah hu bhap bini jia hatai, ong ngak dahlau piah bhap bini mboh bloh ngak tui, gam ngak gam duah thau yau nan ye ngak mbang hadei siam jang mbang dahlau  .    

Dok di palei  Đại Trường xã Phú Cần, huyện Tiểu Cần, mik va Khmer hu tal  98%. Meng labik dang, angan je dalam mik va Khmer, ong bhik Thạch Thưa dang akaok baha  Đại Trường tuk halei jeng kham merat pambuak haong karja, dom kapul nyaom  pathau khan sarak di đảng, hukum di  karja tal rahra dalam palei; nao dahlau dalam bruk khik ramik, patagok ilamu meng kan siam mekre di bangsa; peih ngak siam bruk “Tong abih bhap bini jum pataom gauk dak padang rai duik ilamu di labik dok”. Abih di nyu nan lac dalam 03 thun mai ini ong bhik Thạch Thưa hu pathau khan, pato pakai, tacei ba jalan siam hu  34 urang ngak suan adat hukum, ba drei tame diukrai siam mekre haong puk paga. Langiu di nan ong dok hu pambuak bruk 

song kapul nyaom langyah ba brei siam hu 3 urang  kandah gauk  dui atah dalam but pajaih; ba brei siam 5 urang co, klaik, bhian ngak srau kadau puk palei pathau khan pato pakai ka urang  thau ka adat hukum. Dom bruk ngak ni oh lac dong ka rahra hu rai duik siam mekre bo dok rik dong ka bruk An ninh, trật tự xã hội, di xã Phú Cần. Ong bhik  Thạch Thưa brei thau ka ilamu dalam bruk jak ba mikva bangsa: “Dahlau di tuk pathau khan hukum negar ka mikva, drei ba dom  adat agama dreih yau nan ndom dahlau, tuk mik va thau meng pablak tame hukum negar. Tuk hu mbang pataom rilo phật tử, drei bhian langyah ka mik va thau yau habar lac palei ilamu, boh sang ilamu ”. 

Lac Akaok  Hội Chữ thập đỏ xã Hòa Tân, huyện Cầu Kè, saong lac urang hu angan je dalam bhap bini, labaih 10 thun tapa, ong Thạch Em tuk halei jeng sahaneng tal urang kan kathaot, anit ka dom urang oh hu sang dok. ‘‘Menyai nao gam haong ngak” ong sahneng tabiak jalan ngak song pok likau  pakat  ủy, Ủy ban bhap bini  xã Hòa Tân padang rilo bruk dong ka bhap bini song jak ba bhap bini hu mbaok tame. Yaom lac biak jar var, sang hu jiak  10 công kruac iak oh hu asar song li-u sáp, brei pah rạp, bàn khaghe  ndam likhah …min  ong Thạch Em dok hu caik tuk vak ka bruk ngak pahla,  ka  hội chữ thập đỏ. Kayua tui ong, yaom lac abih hasit tuk vak, min ong mboh bui sambai  haniem phol di bruk ngak ni  .

Meng bruk ngak di anak meta brei mboh lac, dom labik halei, puk palei halei ngak siam bruk pambuak gauk di dom pakat Đảng, karja song urang hu angan je ye labik nan tuk halei jeng taduan hu bruk njauk hatai, pachreih tui meng bhap bini. Kayua yau nan ye, labik dang, bruk ngak di urang hu angan je di bhum bhap bini bangsa dalam bruk mesruh pacang khol khamang, yasa taneh ia song harei ni dalam bruk dak padang  chủ nghĩa xã hội jeng dok tamo yaom glong di nyu./.

Urang lang: Hanipha- 5/5