Urang meng negar langui brei dok karei chip 

Tui nan, dom urang hu nao tal dom labik hu menuac njaom COVID-19 njauk ngak tui dom jalan pacang caga jit tui tacei pato di ala ini:

Njauk caik hatai ngan haong bruk khan brei thau gah y tế di y tế puk palei:

-  Eng drei nao tal labik y tế puk palei dalam bhum piah khan brei thau gah y tế saong hu mek mẫu dut iek COVID-19.

-  Tuk nao njauk pandar radaih piah nao mai (njauk nao radaih patuh) saong tuak (cuk) siek, pataih pacang mbaok.

Ngan haong urang daok karei di sang:

-  Eng drei daok karei di sang 14 harei kuhria meng harei puac abih nao tal dom labik hu khan angaok nan.

- Ngak njauk tui tacei pato di gah Y tế ka bruk eng drei daok karei di

Ngan haong dom urang eng drei tui iek pren yava:

Eng drei tui iek pren yava di sang 14 harei kuhria meng harei puac abih nao tal dom labik hu khan angaok nan, ngak njauk tui dom tacei pato di gah y tế ka pacang caga ruak:

-Tok nao tabiak sang tuk hu bruk biak caong khin.

-Tuak (cuk) siek pabang mbaok tuk nao tabiak truh sang, di labik ngak bruk, bac megru, rivang ma-in.

- Oh nao tal labik pataom rilo manuac.

-Takik taom gaok manuac sia, oh taom gaok jaik haong urang karei.

-Bhian rao tangin meng aia hacih saong sabon atau aia jru pametai anek ruak samar.

-Gam haong nan, vak tame siphau yaok harei bruk nao mai di drei takik abih dalam 28 harei kuhria meng harei puac abih nao tal dom labik angaok nan.

- Abih di nyu nan lac,eng drei tui iek pren yava di rup drei, tuk mboh medil lac ruak Covid-19 yau patuk, pandiak, kan suak yava... njauk nao khan brei thau chip ka y tế puk palei thau atau nao tame sang iek ruak quận huyện piah hu pasang iek saong dut iek, duah thau veik./.

Urang lang: Hanipha- 10/12