Mbang manyum ginup dom janih pandap mbng hu ginup năng lượng

Thạc sĩ, bác sĩ Huỳnh Ngọc Phương Thảo – Trưởng Khoa Nội Thận - Thận nhân tạo Sang iek ruak Đại học Y Dược TP.HCM khan lac, ruak thận lac bruk pametai manuac dalam joa kandang, abih di nyu nan lac dalam tukvak Covid-19, rilo urang ruak metai kayua Covid-19 di dom urang hu ruak dahlau dalam rup lac suy thận mạn atau nduac thận nhân tạo, halang màng bụng. Nan ye bruk ngak tui “8 asal kadha ameh piah daong khik caga thận” meda daong ka khol drei hu sa baoh thận siam makre, khang kadang.

Pahat rup yaok harei, takik di nyu lac 30 minit yaok harei. Pahat rup saong hu jalan diukrai siam makre daong ka drei hu prein yava siam lagaih, kayua yau nan ye ngak patrun bruk mbuan ruak thận mạn.

Mbang huac siam makre. Mbang manyum ginup dom janih pandap mbng hu ginup năng lượng, mbang takik sara, mbang rilo baoh kayau, takik viek tapung, saradang, đạm. Sara mbang yaok harei oh tapa 6 gram, samu sa hanoi cà phê. Piah patrun sara, khol drei jeng takik mbang dom pandap tame hộp, dom pandap mbang ngak blaoh yau ye lạp xưởng, xúc xích, ikan thu, masin…

Pasang iek gam gam saong pasang iek saradang dalam darah. Labaih meteh dom urang ruak oh thau lac drei njom ruak ma-ik saradang mayah oh dut iek atau tuk rahtabiak biến chứng. Labaih meteh dom urang ruak ma-ik saradang meda njauk ruak thận, mayah oh hu taong ruak siam meda ba tal suy thận saong meda lac suy thận tukvak puac njauk nduac thận nhân tạo.

Pasang iek gam gam saong pasang iek siam darah. Labaih mateh dom urang ruak tagok darah biak glaong bo oh mboh dalam rup njauk hagait saong suai lavik meda ngak kan kandah tal bruk ngak di thận. Kayua yau nan ye, bhap bini njauk nao pasang iek huyết áp saong pasang iek prein yava yaok thun. 

Manyum ginup ia. Ia menyum yaok harei tui rilo bruk, yau ye: bruk nao mai, langik tasik, prein yava di drei, hu matain atau brei anek mum. Tuk mikva pahat rup, ngak bruk rilo, tabiak ia hauk rilo, takglaoh ta-aok, aih traoh njauk manyum rilo ia jang yaok harei.

Oh njuk pakao. Njuk pakao meda ngak patrun darah nduac tal thận, ngak ka thận njauk kan kandah saong ngak bruk oh hu siam lagaih. Njuk pakao jeng mbuan njauk ruak ung thư thận rilo jang dut saong urang oh njuk pakao.

Oh eng drei pandar dom janih jru kháng viêm, jru patrun pandik, dom janih jru oh thau cambaih asal di nyu. Kayua dom janih jru kháng viêm ni meda ngak kan kandah tal bruk ngak di thận. Nan ye, tok pandar dom janih jru tui pato tacei di bác sĩ.

Pasang iek chức năng thận mayah hu sa dalam dom ruak mbuan ba tal ruak thận yau ye: ma-ik saradang, tagok darah, lamek labaih kilo, dalam sang hu manuac ruak thận. Dom janih ruak ini lac sa dalam dom makna bhian gaok ba tal ruak suy thận mạn, bhian oh mboh hagait dalam rup, tok thau tuk drei nao dut iek darah saong ia ma-ik./.

Urang lang: Thu Thao – 24/02