Tuk hè, dom sang iek ruak uranaih gam gam taduan taong ruak dom uraniah gaok bala yau ye pandung (điện, xăng, hóa chất...), mblung ia, hon dut, ula kaik, bala angaok jalan radaih, jaleih, labuh. Dalam nan hu rilo bala ngak brei nhiễm trùng, tổn thương rilo labik dalam rup, kan kandah ka prein yava, mbuan matai.

Tui panuac di bác sĩ Vũ Hiệp Phát - Akaok khoa Cấp cứu Sang iek ruak Nhi Đồng 2 - TPHCM, hè lac tuk hu rilo bala meng bruk nao me-in ini daih di uraniah. Jaik abih bala lac kayua uranaih caong duah thau, takik caik hatai atau uranaih daok atah mata maong di amaik ame.

Pagap yau adei likei K.S.Y.P (umo 13 thun, daok di tỉnh Đắk Lắk) hu sang iek ruak gah ala ba mai kayua điện giật. Amaik adei brei thau, adei haong ayut sahabat ba gauk me-in par klang, blaoh klang tavak tame tabung sang. Adei ndik tagok tabung sang mek, oh patuah njauk điện giật di plaak tangin ieu.

Sa uranaih karei lac kumei umo 8 thun njauk pandung trak meng bara trun tal taok kayua labuh tame gaok ia pandiak. Hu thau, adei haong ayut sahabat juak radaih jaik sang. Kayua juak radaih oh ka gheih, nan ye labuh tame gaok ia pandiak di sang jaik nan.

Daok di sang iek ruak uranaih ban raya, bahrau daong plaih di matai ka 1 uraniah (umo 11 thun daok di tỉnh Long An) njauk hon dut bak rup. Hu thau, adei me-in anak sang ye njauk hon vò vẽ dalam sruh angaok phun, par tabiak dut 52 labik. Sang samar ba adei tame sang iek ruak palei dalam tuk adei oh daok thau hagait, cambuai sableit, takai tangin la-an, huyết áp trun, hu ba tagok Sang iek ruak Nhi đồng ban raya.

Sang iek ruak Đa khoa Xuyên Á jeng bahrau blac raih dak ramik veik talang ka adei likei umo 11 thun daok di tinh An Giang.

Piah khik salamat ka uranaih dalam tukvak anak tal, bác sĩ Vũ Hiệp Phát – Akaok khoa Cấp cứu Sang iek ruak Nhi Đồng 2  kakei dom amaik ame njauk caik hatai khik iek uraniah dalam tuk padeih hè. Bhian caik mata tal yaok bruk me-in bui sambai di uraniah, kayua tuk halei jeng mbuan hu bala.

Dom bala mblung ia bhian rah tabiak di dom labik hu rilo bingun, danao, kraong, craoh saong dalam hồ bơi. Tui tukvak mblung ia meda ngak kan kandah tapak tal prein yava saong bruk matai lahik, jeng yau caik veik dom “di chứng” trak damak ka glo akaok.

Dom uranaih pandung ia pandiak saong pandung kayua khuah patuh tame sang iek ruak jeng hu rilo di tuk padeih hè. Laka meng pandung oh lac ngak khut kalik, nhiễm trùng, tukvak taong ruak suai lavik, dui atah, gaok mai ba tal matai. Langiu di nan, bala daok mai meng dom pandap điện, kayua athur raong drei takre, drei anit, suak yava njauk dom janih jru mek, hong dut, ula kaik, janar labuh… jeng brei biak caik hatai sangka.

Daok tui bác sĩ Nguyễn Minh Tiến – Phaok Yam ndok Sang iek ruak Nhi đồng ban raya, tukvak ini, uraniah hu padeih hè saong nao ma-in, amaik ame njauk plaih ka uraniah ndik kayau paik baoh kayua mbuan laik trun saong njauk hon dut kayua gaok tame sruh hon. Amaik ame njauk jah hareik ka nyu huan laneing vil val sang, oh caik ka hon ngak sruh. Tuk nao picnic dalam glai atau bein phun, njauk caik hatai plaih cuk ao capha hadah tanyak atau luk rilo menyek mbau pachreih hon par mai dut./.