Anek ruak ula pui mrai bhian hu di dom negar pandiak gam saong tathah pablak gauk. Anek ruak ula pui mrai tamuh dalam manuac di urang saong jamaok. Tuk jamaok njom anek dut menuas urang, anek nyu njom tame rup pabhap. Anek nyu nao tal jalan bạch huyết blaoh praong tagok jeng ula pui mrai. Tuk ula pui praong blaoh daok dalam jalan darah putih bạch huyết di dalam rup pabhap blaoh ngak pambuak tal jalan pacang ruak saong ngak tabiak bruk njom nerak anek ruak.

Ula pui praong menek tabiak anek ula apui ấu trùng. Hadei tuk njuk darak urang ruak, anek ula apui ấu trùng daok dalam jamaok saong lahik labaih 12 – 14 harei piah jeng anek ula apui ấu trùng praong. Jamaok hu anek ula apui ấu trùng praong meda pambak ruak ka urang siam tapa labik njuk darah.

Bhian di nyu, anek ula apui ấu trùng daok diuk labaih 10 adit blaoh metai meyah oh tame hu dalam rup pabhap jamaok atau menuas urang. Daok ngan haong ula pui mrai praong ye meda daok dalam rup manuac urang tal 10 thun.

Bruk brei mboh ruak ula pui. Bhian mboh, bruk duah mboh ruak njom anek ula pui marai meng camreip jeng kan kandah kayua oh mboh ruak cambaih laih. Dalam bruk nyu praong tagok, anek ula pui meda ngak tabiak rilo kan kandah dalam rup pabhap ngak barah baong dom labik dalam rup pabhap. Dua labik bhian mboh abih tuk mô barah baong lac takai (daok hu ieu lac barah baong takai lamein) saong bìu di anek lakei.

Mayah ruak trak cấp tính, urang ruak bhian mboh: Pandik akaok; Pandiak glaong katuak; Glaih glar dalam rup; Trun kilo

Bruk barah viem mạch bạch huyết meda ngak barah bhong meraih, dom jalan rak darah di angaok meda jeng thaik thaot karei, kalik tadu dreih yau kalik lamein saong barah baong takai lamein. Daok di urang lakei ye meda ngak ka labik sinh dục lakei barah viêm, barah baong meng nan bo ngak barah viem baoh klu tinh hoàn, barak rak bini thừng tinh…

Piah duah mboh ka urang njom ula pui, urang ruak brei pasang iek darah, ia me-ik piah duah mboh anek ruak ula apui ấu trùng.

Janih anek ruak biak sit sot ini meda pambak meng urang ini tapa urang daih tui danuk dut di jamaok klauk saong cakrok jeng ula pui. Anek di ula pui meda diuk dalam rup pabhap luac rai min oh brei mboh hagait blaoh ngak mbuan pambak ruak tal dom urang siam khang.

Kayua yau nan, piah pacang caga ruak njom ula pui drei brei ngak dom bruk yau ye: Pahacih sa-at labik daok, pamatai anek bọ gậy, anek lăng quăng, oh brei hu danao atau kandaong ia nerak jaik di labik daok ngak mbuan ka jamaok caih anek caih baoh.

Pahacih rup pabhap, luk jru pacang jamaok kaik

Tram papah mùng màn haong jru pamatai jamaok yaok

Tuk mboh urang njom ruak ula pui ye brei caik daok karei saong jeng ye taong ruak ka capat dil samu.

Piah taong ruak ula pui, dom bac si rilo meng brei pandar bruk taong ruak dalam arup. Jru hu pandar piah pamatai anek ula apui ấu trùng saong ula pui praong. Langiu di nan brei pagam saong dom janih jru pacang caga bruk caih anek caih baoh di ula pui. Gam tui dom bruk ruak trak ngak barah baong takai lamein atau njom ruak labik sinh dục urang lakei ye meda brei taong ruak tui jalan vật lý, phẫu thuật piah daong palagaih ka bạch huyết darah putih./.