Barah kreih tangi bhian mboh rabha jeng dua janih ruak, dalam nan hu ruak tamuh barah kreh tangi saong ruak tui ralo darah hu barah tangi.

Barah tangi tamuh ieu lac barah kalik di kreh tangi tamuh ruak karei tuk kreh tangi hu anek virus tame ngak njom nerak jalan thuak yava angaok.

Barah tangi kreh lavik tui ralo darah di nyu ieu lac bruk barah suai ngak kan kandah saong meda haok ia laneh saong meda haok ia laneh tapa gilaong asal dalam kreh tangi.

Bruk ruak pandik barah tangi kreh kayua anek virus, anek ruak atau dom ruak karei yau ruak kum pran, lagah la-an, pandiak katal. Tui uraraih ye ruak pandik barah tangi kreh meda mai meng bruk oh ka patagok ginup brei ka asal dalam anek tangi, jeng yau prein pacang ruak oh hu kajap.

Langiu di nan, ruak pandik barah tangi kreh meda kayua VA, kayua bruk ruak VA barah taceing praong ngak kanjah jhak saong ngak tadar sal tangi, ngak njom nerak tamuh ruak. Urak ini bruk ini bhian rah tabiak di uranaih jang dut haong urang praong.

Tuk uranaih barah tangi kreh bhian pagam tui dom bruk brei mboh yau ye:

Pandik tangi, kan si pang mahit, mboh kan daman dalam tangi; Alah mbang huak, kan si ndih, anek naih bhian hia caok, taglaoh tan aok; Pang oh cambaih laih, mehit yava tanyi oh cambaih laih; Rup pabhap pandiak glaong 39 – 40 ndo C, meda ndaoh rup; Nao ruak tian aih ia, nao ruak tian rilo mbang, srau mblung dalam pruac hatian.

Daok urang praong umur ye tuk barah tangi kreh mada hu ia tangaoh nduac tabiak meng tangi; Kan si pang saong pandik tangi.

Bruk iek padam ruak barah tangi kreh tui tame yaok janih di urang ruak trak njual di nyu. Dom cara janih padam ruak brei hu bac si pato tacei dalam nan hu bruk pandar dom janih jru pabak prein caga ruak, caga histamin, jru tanjaoh ia idung, bluh jiva tame dalam tangi, corticoid saong jru pacang barah bong.

Barah tangi kreh meda rah tabiak di grauk urang, min bhian mboh rah tabiak rilo abih di uranaih, kayua tangi di uranaih oh ka cakrok abih ganap, yau nan ye prein pacang caga tangi nyu oh kajap. Tui kuhria mboh labaih 80% uranaih ruak barah tangi kreh takik abih di umo tagok thun 3. Yaom lac urang njauk ruak barah tangi kreh rilo meng lac di uranaih min ruak ini jeng meda rah tabiak di urang umo praong thun.

Kayua yau nan, piah caga ruak barah tangi kreh hu siam lagaih, gam tui yaok kapul thun umo urang menuac brei hu dom jalan caga karei karei di gauk:

- Tui urang praong, khik tangi brei ka nyu hacih sa-at meng bruk bhian pahacih sa-at, caik hatai sangka ngak dan dan, plaih catang tangin ngak saluah kalik asal kreih tangi, anek ruak mbuan njom tame ngak barah tangi. Plaih luai ka ia tame tangi (tuk menei, mapao akaok atau tuk caluai ia). Hu ruak ka tangi, idung, tarakaong ye brei patame jru ruak samar drah.

- Tui anek uranaih, brei pahacih sa-at tangin saong brei ka uranaih nao klauk jru caga ginup saong njauk tukvak tui kakei di gah y te. Brei ka anek uranaih mum amaik meng sit tal tuk umo 2 thun, kayua ia tasau amaik daong ka prein pacang caga di uranaih siam jang. Langiu di nan, brei plaih ka uranaih daok dalam labik hu athak, dhun, jru pakao. Tuk uranaih hu mboh dom ruak tangi, idung, tarakaong brei pajru ruak ka samar drah, plaih caga tamuh ruak barah tangi kreh./.