Tien si, bac si Hoàng Minh Đức – urang dang akaok Kuk Pacang caga ruak, Mentri Y te brei thau, ruak mbang baoh pambak drah dalam dom janih ruak njaom mbak, ruak nyaom tapa langik tuk urang njauk ruak patuk atau dung phal saong tok meda cakak klaoh bruk nyaom mbak jit dalam bhap bani mek hu takik abih 95%. Ruak meda mbuan tamuh ruak karei mbuan ba tal metai lahik yau barah tangi kreh, barah jandung phoi, aih craoh, thu saluah giác mạc meta, viêm barah glo akaok. Ruak mbang baoh oh ka hu jru padam ruak, kluak vaccine nan lac jalan ngak siam di abih piah pacang caga ruak.

Tui pataom yaok di Mentri Y te brei mboh, meng akaok thun tal ini, dalam negar hu jaik 40.000 urang medhil lac njauk ruak mbang baoh, hu 5 urang metai pambuak pagam tal mbang baoh. Abih di nyu, dom urang njauk ruak mbang baoh hu mboh rilo di abih gah Meraong (57%).

Dang di anak dom kan kandah daok rah tabiak saong oh thau dahlau hu di jit ruak nyaom mbak, abih di nyu lac ruak sởi, Akaok mentri Y te pandar, UB Bhap bini dom tinh, ban brei ngak dahlau grap tanat pren khang piah jhul pasamar bruk klauk jru vaccine pacang caga ruak sởi, abih di nyu lac ngan haong dom uranaih oh ka tal umo klauk jru atau oh ka klauk ginup vaccine, njauk ngak salah blaoh dalam bilan 3/2025.

Mentri Y te jeng kakei lac uranaih njauk ruak mbang baoh, medhil lac njauk ruak mbang baoh oh lac tok hu maong iek gah y te blaoh daok brei mbang huak ka nyu ginup prein yava, khik pandiak dalam rup, oh caik rah tabiak bruk uranaih njauk mbang baoh, medhil lac njauk mbang baoh ngak kan suak yava kayua kurang bruk mong iek gah y te, oh ginup hu prein...

Piah pacang caga ruak mbang baoh, Kuk Pacang caga ruak, Mentri Y te khan brei thau dahlau:

1. Ba uranaih meng 9 bilan tal 2 thun oh ka klauk jru vaccine atau klauk oh ka ginup 2 mbang vaccine pacang caga ruak mbang baoh nao klauk ka nyu ginup, njauk tukvak saong nyaom thun umo karei (6-9 bilan, 1-10 thun) hu mbaok tame bruk klauk jru vaccine pacang, caga ruak mbang baoh tui tacei pato di gah Mentri Y te.

2. Oh brei ka uranaih mai jaik, taom gaok haong dom uranaih medhil lac njauk ruak mbang baoh; cuk suek pacang cambuai idung di labik rilo manuac, bhian rao tangin meng jabon tuk iek glang uranaih.

3. Khik hacih sa-at rup ba-bhap, idung, tarakon, meta saong tagei dalah ka uranaih yaok harei; brei mbang ka ginup ia prein yava, khik pandao dalam rup babhap ka uranaih.

4. Sang khik iek uranaih, sang pato uranaih, sang bac pataom rilo uranaih njauk khik ka nyu hacih, laneng lanoi saong ginup hadah hadai; bhian ph jru caga anek ruak ndap nda anek naih ma-in, ndap nda brei megru saong duk bac meng dom asal jru pamatai jit.

5. Tuk mboh hu dom kadha medil saneng lac njauk ruak mbang baoh (yau patuk, pandiak, hok aia idung, tamuh ban) ye brei paatah jeng ye ba uranaih nao tal dom labik y te jaik di abih piah iek ruak, tacei pato taong mek ruak ka nyu samar drah./.