1. Pilih janih ia menyum pandao pandiak:

Ia daong palagaih jalan ia dalam rup daong tathuak ia nerak tachauk dalam rup pabhap. Ruah pilih janih ia pandao menyum yau ye taiy jru di dalam bilan akaok thun meda palai takai ruak la-an daok kandaong dalam rup, jhul tagok prein pacang caga ruak dalam rup pabhap. Tuk langik druh sa-an, mikva brei pilih janih ia menyum pandao pandiak yau ye laya, bingu kuk, medan merah bhong, taiy thait,… hu rilo janih pacang oxy mbang, paglaong prein pacang caga jit ruak.

2. Brei mbang ralo baoh kayau:

Piah brei drah bih ruak pran kum njauk caik hatai pakhang bruk caga jit ruak pran, bruk paglaong prein pacang caga ruak lac biak hu makna. Siam di nyu jeng ye mbuan sanang saong siam lagaih abih njuak mbang ralo janih baoh kayau hu rilo vitamin saong janih khoáng tame bruk mbang huak harei harei. Dom janih baoh kayau hu rilo vitamin C, dalam nan njauk bau tal yau ye baoh kruac, baoh quyt, medan, baoh madan le, baoh dalim, baoh patei, baoh kruac bung, baoh karaoh hu rilo ia vitamin, janih khoáng saong janih pacang oxy mbang daong prein yawa urang ruak khang kajap, daong pacang caga njom anek jit ruak jeng ye khip khang kajap hu prein yava.

3. Mbang lathun, lasun putih:

Lasun, lasun putih gam lac janih pabingi brei ka kaya tahanek ngak mbang, gam daong ka prein caga ruak pacang biak rilo ruak. Yau ye ruak pran saong ruak barah jalan thuak yava, pacang ruak tagok darah, lamek dalam darah, patakik pakuran saradang dalam darah, pacang caga ung thư… Kayua nan, dalam var mbang huak yaok harei mikva brei buh lathun putih piah pakhang prein yawa pacang caga ruak ka rup pabhap. Meng di nan ngak patrun dom janih ruak kik sruh la-an, ruak pran.

4. Menyum ginup ia:

Bruk menyum ginup ia daong ka prein yawa khang pacang caga ruak min takik urang caik hatai sangka tal. Kayua yau nan ye, brei pabak ganup meng 1,5 tal 2 lit ia yaok harei di rilo janih ia karei karei di gauk yau ia haling hacih, ia baoh kayau, ia tasau menyum… piah pacang caga ruak pran. Meyah rup pabhap oh hu ganup ia ye dom labik dalam rup pabhap meda oh ngak bruk siam lagaih, dui tui ngak laman lamuac prein pacang caga ruak ngak brei kein lagaih ka virus mbuan si brei tamuh ruak.

5. Pasram pahat padhih rup yaok harei:

Tuk rup pabhap hu mbeik drei jeng ye brei pasram pahat padhih daong tagok pandiak dalam rup pabhap saong pakhang prein pacang caga ruak siam meda pacang caga hu anek ruak tamuh. Tapa tui di nan, daong ka rup pabhap manuac urang pacang caga njom anek ruak saong patakik dom ruak pran. Yaok harei njauk brei pahat padhih rup takik di nyu abih 30 minit gam haong daom kadha cara pasram lagaih yau chait talei, nduac tabak nduac di kanyal sang…

6. Padeih padei lagaih, ndih ginup:

Bruk padeih padei hu ginup daong ka rup pabhap urang praong umo biak lagaih. Ndih bingi ndih ganap daok daong pacang jit ruak siam jang. Yaok malam, urang praong umo brei panik ndih dui atah 7 tuk mon. Dalam tuk nan, dom urang dam dara, sa sa panik ndih ginup dui atah meng 8 tal 10 mon.

7. Bhian rao tangin:

Brei rao tangin bhian, njauk biak di nyu hadei di tuk meng langiu mai sang saong hadei tuk nao njuel drei. Daong brei pahacih padam dom anek ruak ngak ndam gam di tangin saong meda njom tame rup pabhap. Brei njauk rao tangin meng jabon pamatai anek ruak piah palahik anek gam di tangin. Tuk tabiak langiu brei caga gaok tame dom janih kaya di langiu, oh mek tangin mapao mbaok kayua di langiu hu biak rilo anek ruak mbuan si ba tamuh bala.