Druh mbuk bhian mbuan rah tabiak min rilo meng lac urang oh caik hatai sangka tal asal kadha ini. Min, tuk rah tabiak bruk druh mbuk rilo oh bhian, nyu meda ieu lac bruk brei mboh dahlau ka prein yava. Hadei di ini lac dom urang mbuan si druh mbuk ralo.

Di urang kamei metian, dahlau tuk abih “harei malam” kayua salih hormone: Tui roh duah hormone salih ieu lac makna druh mbuk hu rah tabiak rilo. Bhian hormone dalam rup pabhap salih meyah yau urang kamei metian, hadei tuk menek atau tukvak dahlau abih darah. Kayua yau nan ye ngak druh rilo mbuk, min hadei sa tukvak bruk ini oh daok rah tabiak rilo.

Dom urang pandar jru taong ruak suai atah: Dalam tukvak taong ruak jru meda rah tabiak rilo bruk karei oh njauk hatai caong, dalam nan hu bruk druh mbuk. Dom janih jru meda hu ndom tal lac jru taong ruak ung thu, taong ruak baoh hatai…ini lac tac dung karei oh plaih hu, urang ruak brei njauk hatai daok haong bruk nan.

Dom urang katang glo akaok, stress: Meyah bhian laik tame bruk duh hatai, kateik geik ye prein yava jeng kanjah jhak tui, gam haong nan meda ngak druh mbuk biak trak. Kayua nan juai luai ka dom bruk suh sah duh hatai ngak kanjah jhak tal prein yava di drei.

Urang hu darah druh mbuk, kala akaok kayua tui darah pajaih. Min, dom bruk urang kamei druh mbuk jeng lac kayua makna ini ngak tabiak. Bruk druh mbuk ini rah tabiak gam haong bruk taha saong drei meda sahaneng mboh hu bruk di mbuk tapa rilo tukvak masa. Cambaih laih lac ngan haong urang lakei hu rah tabiak dom labik kala di akaok saong di urang kamei ye rah tabiak bruk mbk lapih jang.

Urang nyom, mbeik mbuk, pandar rilo janih jru oh siam brei (nyom, mbeik, patapak…) ngak ka druh mbuk. Kayua bruk kanjah jhak di pandiak tuk mbeik patapak mbuk, dom kanjah jhak di janih jru cavao,  jru nyom, jru rao tayah sambo bar mbuk… ngak druk mbuk rilo jang.

Lahik bruk khang samu: Kurang prein khang brei ka mbuk. Urang ruak kurang prein khang vitamin, janih khoáng ngak ka mbuk druh rilo, mbuk thu, lapih, lamarr lamuac saong mbaok meta oh hadah hadai.

Kurang darah jeng ieu lac sa janih makna ngak ka druh mbuk. Tuk rup pabhap oh patabiak ginup darah, oh ba ginup oxy tal takai mbuk ye ngak druh mbuk.

Bruk caga druh mbuk siam lagaih

Meyah druh mbuk oh bhian ye bruk akaok meti lac brei nao pasang iek ruak piah thau tanat ka makna. Meng nan ka meda ba tabiak jalan taong ruak siam lagaih.

Meyah druh mbuk kayua kurang janih njuak hu ye brei menyum ginup ia, pabak dom janih pandap mbang hu rilo vitamin, rilo canxi piah mbuk hu raong biak siam di abih.

Oh nyom mbuk, mbeik mbuk atau patapak mbuk biak rilo mbang, kayua meda ngak ka mbuk lamar lamuac saong jaoh druh. Pilih dom pandap kaya sangka mbuk ka njauk, plaih bruk ngak kan kandah tal kalik akaok. Plaih duh hatai, ndih hu ginup, chreih chrai bui sambai, ndih hu ginup, sahaneng lagaih…

Langiu di nan brei hu bruk daok dang mbang huak ka njauk, takik bruk duh hatai, strees, patagok kadha pasram prein yava, patakik menyum alak mbie…jeng lac bruk piah caga druh mbuk siam lagaih./.