Hadei di jaik 1 bilan ndih iek ruak di Pasak Ruak Nhiệt đới, Sang iek ruak uranaih Trung ương, uranaih umo 11 thun daok di Hưng Yên ruak viêm glo akaok Nhật Bản njauk dom di chứng gah megei nao mai, glo akaok, urak ini adei jeng daok var drei jan oh thau hagait njauk ndih luai suan meng mac suak yava di Pasak Ruak Nhiệt đới, Sang iek ruak uranaih Trung ương. Sa-ai Nguyễn Thị Lựu, amaik di uranaih labuh ruak brei thau: “Adei sa-neng lac klauk 3 mbang lac ginup paje, tagok ini dom gru ju lacklauk hadar veik meng thau, kamuan urak ini oh daok pandiak tra, kamuan jeng daok hu dom gru ju tui iek biak tani tanat, meyah dut haong urak ini ye oh samu haong tuk dahlau, kamuan daok hu dom di chứng ruak viêm glo akaok.”

Meng akaok thun tal ini, Pasak Ruak Nhiệt đới, Sang iek ruak uranaih  Trung ương hu taduan jaik 30 urang njauk ruak viêm glo akaok Nhật Bản. Jaik abih dom urang ruak tame sang iek ruak tuk ruak biak trak, pandiak glaong, handoh rup saik, oh daok thau hagait... Meyah ruak njuan saong mbiah, uranaih meda hu pasiam veik pren yava samar drah. Ngan haong uranaih njauk viêm glo akaok Nhật Bản suai iek ruak, ye uranaih mbuan gaok dom di chứng yau di glo akaok, liệt, ndom puac oh daok cambaih laih, handoh rup saik, động kinh, ndih sa labik... BS Nguyễn Văn Hoàng, Khoa Taong ruak tích cực, Pasak ruak Nhiệt đới, sang iek ruak uranaih Trung ương brei thau, urak ini pasak daok taong ruak ka dom uranaih njauk ruak viêm glo akaok Nhật bản trak, njauk di chứng liệt tangin takai, laka glo akaok, suak yava meng mac jamriak: “Dom urang ruak ini tapa blaoh tukvak taong ruak brah glo akaok meda taong ruak gah di chứng, dom uranaih di chứng meda oh daok luai suan meng mac thở avan jang, meyah oh daok luai suan meng mac thở bo mboh daok kan kandah ye meda njauk peih prong khí quản atau meda brei suak yava meng mac jamriak di jabat tuyến ala ka urang ruak, bruk di chứng ini, lac suai lavik.”

TS.BS Đỗ Thiện Hải, Phaok akaok Pasak Ruak Nhiệt đới, Sang iek ruak  Trung ương brei thau, dom triệu chứng akaok mereip di ruak viên glo akaok Nhật Bản biak mbuan meluk haong dom janih ruak karei yau pandiak, glaoh ta-aok, pandik akaok, se ple… Rilo urang ngak amaik ame oh caik hatai, klaak tapa dom triệu chứng brei thau dahlau ini, nan ye tuk uranaih hu ba tame tal sang iek ruak ye mboh ruak trak jang. Tui BS Đỗ Thiện Hải, yaom lac dom siam gheih dalam bruk taong ruak hu daong patrun bruk metai lahik di uranaih ruak viêm glo akaok Nhật Bản trun daok ala 5%, min hu tal 40 tal 50% uranaih njauk dom di chứng avan jang atau suai lavik jang. Kayua yau nan ye, klauk pacang caga vắc xin viêm glo akaok Nhật Bản lac jalan ngak siam di abih.

Taphia di nan, dom gru jru kakei lac, jalan pacang caga ruak viêm glo akaok Nhật Bản nan lac khik ramik alam môi trường hacih sa-at, bhian puh ramik sang danaok, ngak brei hacih sa-at van ro athur piah patakik labik daok di jamok. Meyah ngak hu, njauk ba van ro limo kabao tabiak atah sang, atah labik ma-in di uranaih. Piah pacang caga ruak viêm glo akaok Nhật Bản, Mentri Y tế kakei lac, mikva njauk ba anek kamuan nao klauk jru 3 mbang, lac: Mbang 1 klauk dak avan dak siam hadei di umo 1 thun; mbang 2 hadei di mbang 1 meng 1-2 adit; mbang 3 hadei di mbang 2 lac 1 thun. Hadei di nan, yaok 3-4 thun klauk veik sa mbang mbiah tal tuk uranaih tapa 15 thun./.