Lavang lavaih meda kayua rilo makna karei di gauk, min bruk mbang huak takik dinh duong jeng ngak ka kol drei njauk glaih glar, takik prein yava. Anak mata mboh lac rilo menuac hu dom bhian randap oh siam ngak ka rup langa lavaih, glaih glar.

Dom bruk suan bhian gaok ngak ka rup pabhap lavang lavaih.

Klaak mbang panal (var page): mbang page lac var mbang hu makna abih dalam harei. Var page peih tabiak tukvak trao doi chat, daong cuh calo luac harei. Tuk madeih tagok, dom saradang dalam rup bhian daok di tanut bier. Mayah kol drei oh mbang page, kol drei meda mboh baoh patih glaih glar saong glo akaok takik kanal hadar.

Kayua yau nan ye, jhui klaak mbang page, var mbang page siam makre lac mbang ginup saong samu gauk dom janih pandap mbang. Piah ngak hu bruk nan, var mbang page siam di abih lac mbang dom janih pandap mbang hu tapung saradang (carbs) meda pabak hu prein yava chip, janih chất đạm (protein) pabak ka prein yava hadei di nan, janih limek siam saong chất xơ khik ka drei  mboh trei hadei di tuk mbang.

Jhui klaak mang ralaow bhong: ralaow bhong hu biak rilo janih sắt, mayah kurang janih ini meda oh pabak ginup oxy ka dom te bao ngak bruk, ngak ka drei mboh glaih glar. Yaom lac daok dalam tuk khik ka rup trun kilo, oh njauk klak ralaow bhong abih.

Jhui klaak mbang atau takik mbang dom janih pandap hu rilo saradang: saradang oh siam ka prein yava mayah mbang biak rilo. Min rup pabhap jeng caong hu hasit saradang piah ngak bruk. Kayua yau nan ye drei jhui klak abih saradang.

Jhui klaak mbang tapung: jhui huac lac mbang tapung meda ngak brei lamek labaih kilo bo klak abih tapung. Njauk mbang tapung di tanut mbaih piah ka rup drei ngak bruk siam saong oh mboh teik vah luac harei. Kein lagaih ka sa jalan mbang huak siam makre lac pabak ginup dom pandap mbang hu rilo tapung saong chất xơ.

Pasram pahat rup biak rilo bo mbang huak pilih ruah biak catang: mayah pasram pahat rup biak rilo, mbang huac pilih ruah biak catang meda ngak ka rup pabhap tuk halei jeng mboh glaih glar, oh hu prein yava. Salih ka bruk trun hu kilo biak rilo, min rup pabhap laik tame lavang lavaih, glaih glar.

Njauk ngak hagait tuk rup pabhap lavang lavaih, glaih glar? Piah plaih  lavang lavaih, glaih glar, bruk mbang huak, ndih daok, padeih padei brei hu siam lagaih. Siam abih ka bruk mbang huak siam makre lac mbang ginup dom calo haong tanut ngak bruk di yaok urang. Mbang huac samu lac mbang ginup dom janih chat.

Jhui klak tinh bot abih bo njauk mbang dom pandap mbang hu tinh bot hu chat xo glaong jang yau bei prang, ahar bánh mì, brah, mì ống saong ngũ cốc. Pilih ruah dom janih chat xo atau ngu coc daok tamo asal rilo jang, pagap yau mì ống daok tamo asar, brah nâu atau bei prang daok tamo kanduh. Nyu hu biak rilo chat xo jang carbohydrate tapung mbong atau tinh che saong meda daong ka drei mboh trei suai jang.

Njauk mbang rilo janih baoh kayau saong njam patam, njauk mbang takik di nyu 5 binah baoh kayau saong njam patam yaok harei. Piah ngak hu mbuan bruk ini, meda mbang sa klaih baoh patei tame ngu coc var page, atau mbang hanjul kreih var lac sa klaih baoh kayau that.

Njauk mbang rilo ikan, dalam nan ikan hu rilo janih limek kayua ikan lac kaya protein siam, hu rilo vitamin saong khoáng chất. Dom janih ikan hu rilo janih limek dalam nan hu ikan hoi, ikan trich, ikan thu.

Langiu di nan, brei manyum rilo ia piah pacang caga rup pabhap lahik ia, njauk manyum meng 6 tal 8 ly ia yaok harei, plaih manyum ia hu saradang saong ia hu ga, kayua nyu hu dom calo glaong ngak jhak ka tagei. Njauk manyum ia rilo jang dalam tuk langik pandiak atau tuk pahat rup./.