Dom roh duah jeng mboh lac bruk pahat rup lac jalan ngak lagaih abih piah pacang caga ruak ung thu, yaom lac dalam rup hu ruak jeng ngak trun bruk ba tal metai. Bruk pahat rup hu kein dahlau, dalam saong hadei di tuk njauk ruak ung thu. Tuk bruk pahat rup hu khik tani tanat yaok harei saong ginup meda ngak trun  biak rilo bruk cak rok di janih ruak ini.

Rilo roh duah brei mboh cambaih bruk pahat rup pabhap pacang hu dom janih ruak ung thu, abih di nyu nan lac ung thu tung pruac taha saong ung thư tasau, ini lac dua janih ruak ung thu bhian gaok abih. Ung thư nội mạc tử cung, phổi, trực tràng, tuyến tiền liệt, buồng trứng, tuyến giáp saong tuyến tụy jeng hu pambuak haong bruk pakat rup ngan haong tanut pahat karei di gauk.

Kol drei njauk pahat 30 minit yaok harei. Oh daok la biak lavik di sa labik, paglaong bruk pahat rup. Bruk bhian pahat rup hu daong ka drei pasang iek hu bruk labaih kilo saong limek. Menuac lalimek ye mbuan gnjauk dom janih ruak gah tim mạch, tagok darah, ruak ma-ik saradang,....

Njuk pakao lac makna praong abih ba tal ruak ung thư phổi. Langiu di nan, njuk pakao daok ngak patagok bruk njauk ruak ung thu tarakaong, ruak ung thư thanh quản, ung thư bàng quang, ung thư thận,…

Pacang caga ruak ung thư hu bruk khik rup klah njauk dom janih ruak kayua virus ngak tabiak. Njauk klauk jru vaccine tui panuac kakei dalam nan njauk ndem tal, yau ye viêm gan siêu vi B, siêu vi HPV meda daong pacang caga dom janih ruak ung thu hu siam lagaih saong trun bruk mbuan njauk xơ gan, ung thư gan di harei hadei; vaccine HPV daong pacang caga ruak ung thư cổ tử cung.

Hu bruk mbang huak siam makre. Bruk labaih kilo mbuan ba tal 13 janih ruak ung thư, kayua yau nan ye bruk mbang manyum siam makre meda daong ngak patrun bruk ba tal ruak ung thu meng jalan pasang iek teik trak di rup saong pacang caga ruak lamek, labaih kilo.

Njauk mbang rilo njam patam, baoh kayau meda ngak patrun bruk cak rok di ung thu. Mbang rilo dom pandap mbang hu rilo chất xơ ngak patrun ruak ung thư tung pruac lac bruk hu gah ilamo brei mboh tantu cambaih laih. Dom roh duah brei mboh lac, mbang 10g chất xơ yaok harei meda ngak patrun bruk njauk ruak ung thu tung pruac  labaih 10%.

Langiu di nan, njauk mbang ngũ cốc nguyên cám. Takik mbang dom pandap mbang hu calo glaong karei karei, yau ye pandap mbang samar, ia yamen, ahar, keo, kayua dom janih ini mbuan ngak tagok kilo. Mbang huak hu rilo njam patam, trun saradang, tapung meda pacang caga bruk tagok kilo meng bruk trun dom pandap mbang njaom tame, gam ngak patrun kilo kayua ngak ka drei mboh trei tian, trun bruk mahu mbang.

Jaik abih dom urang ruak ung thư tuk thau lac ruak ye tal tukvak puac, kayua mikva bhian nao iek ruak tuk rup pabhap mboh dom janih di ruak. Nan ye, nao iek ruak tổng quát saong pasang iek ruak ung thư tui định kỳ, abih di nyu nan lac ngan haong dm urang ruak mbuan njauk ruak glaong piah daong mboh samar dom janih b atal ruak ung thu dalam rup pabhap meng di tuk ka oh mboh rup njauk hagait, meng nan duah tabiak dom jalan taong ruak lagaih./.