1 lac: Baoh bơ: ‏Sa baoh bơ meda pabak tal 5g “chất xơ”. Janih baoh ini hu mong yau sa kaya mbang biak siam daong trun teik trak mai meng “chất béo” hu dalam baoh bơ. Langiu di nan, baoh bơ hu biak rilo vitamin C, kali, magie, vitamin E saong dom janih vitamin nhóm B siam ka pren yava. Mikva meda mbang tapak atau pambuak pagam baoh bơ dalam rilo janih pandap mbang karei.  ‏

2 lac Cà rốt: ‏Oh lac tok hu rilo “chất xơ”, cà rốt daok pabak brei rilo vitamin K, B6, magie saong beta carotene - sa chất pacang oxy hóa hu salih jeng vitamin A dalam rup. Yaom lac janih baoh karaoh biak siam ka pren yava min oh njauk lac thei jeng takre mùi vị di nyu.  ‏‏  

3 lac Bingu cải hijao‏: Bingu cải hijao daok dalam pajaih cải, hu rilo vitamin C, vitamin K, folate, vitamin B, kali, sắt saong mangan, nyu pabak brei sa binah prong chất pacang oxy hóa, daong ngak brei suai lão hóa, gaok mai daok daong pacang caga dom janih ruak ung thư. ‏‏Dut haong dom janih njam patam baoh karaoh karei, bingu cải hijao hu protein biak glaong, jeng sa janih pandap biak siam ka bruk trun teik trak.  

‏

4 lac: Ratak Hà Lan‏: Yaok ly ratak Hà Lan tuk tasak hu jaik 16 gam “chất xơ”. Ratak Hà Lan daok pabak brei vitamin A daong kalik saong meta drei khang kadang saong vitamin K daong khik ka talang khang. Mikva meda buh pabak ratak Hà Lan tame dom kaya mbang trun teik trak piah patagok “chất xơ”, daong trei lavik saong ngak brei trun bruk mahu mbang vặt oh siam. Dom janih ratak karei yau ratak juk jeng hu rilo chất dinh dưỡng, khaol drei meda brei pabak tame dalam van mbang yaok harei.

5 lac: Yến mạch‏: ‏Yến mạch lac sa dalam dom janih ngũ cốc biak siam ka pren yava, hu rilo vitamin, khoáng chất saong asal pacang oxy hóa. Yến mạch hu rilo “chất xơ hòa tan”, daong trun teik trak, pasang iek hu saradang saong cholesterol dalam darah. ‏Yến mạch tram tapa melam meda jeng pandap piah ngak pandap mbang ka van mbang page hu rilo asal dinh dưỡng. Sa ly yến mạch meda pabak 8 gam “chất xơ”, samu haong 14% yaom năng lượng yaok harei. ‏

‏6 lac: Asar chia‏: ‏Asar chia hu jaik 9 axit amin saong dom janih  khoáng chất yau canxi, kali saong phốt pho. ‏‏Mikva meda buh nyu tame dalam dom pandap sinh tố, sữa metham,... piah mbang yaok harei.

7 lac: Baoh lê‏: ‏ Sa baoh lê hu tal 5,5 gam “chất xơ”, samu haong jaik 20% yaom năng lượng yaok harei. Meg yamen la-an saong rilo aia, lê meda salih ka dom kaya mbang rao cambuai hu rilo calo, rilo saradang. Langiu di bruk pabak rilo chất xơ, lê daok hu pabak vitamin C biak rilo siam ka pren yava./.