Kasa lac ruak cảm cúm
Cúm lac janih ruak rilo menuac gaok, abih di nyu nan lac uranaih takik hu prein pacang caga ruak saong urang taha, urang ruak ma-ik saradang, ruak thận. Tuk njauk cảm cúm njauk khik ấm ka rup pabhap tuk langik salih bilan; abih di nyu nan lac dom labik hu makna praong yau plak takai, plak tangin, cada, takoi, akaok. Nan ye, njauk patagok dinh dưỡng, mbang rilo njam hijao saong baoh kraoh piah pabak dom vitamin njauk hu ka rup pabhap; abih di nyu nan lac vitamin C piah pakhang prein pacang caga ruak; saong brei mbang dom pandap mbang hu rilo protein yau ye baoh manuk, dom pandap mbang ngak meng ritak.
Kadua lac ruak pandik tarakaong
Ruak pandik tarakaong lac ruak bhian mboh di bilan laar saong bhian kayua njom virus; bruk salih nhiet do jeng meda ba tal ruak pandik tarakaong. Tuk njauk ruak pandik tarakaong, njauk ta-njaok idung meng ia sara sinh lý, kalung pabah meng ia sara pandao; oh mbang pandap laar. Caik hatai khik ka rup pabhap plaih laar, mbang rilo dom pandap dinh dưỡng saong vitamin.
Kalau ruak pandik talang tangin, takai
Ruak pandik talang bhian kayua dom talang njauk ruak ba tal pandik tuk langik laar, abih di nyu nan lac urang taha. Njauk mbang huak siam, lagaih, khik ka rup ginup prein yava, khang kadang piah pacang caga haong bruk salih karei di langik tasik, abih di nyu nan lac langik laar jeng lac sa jalan piah khik ka ruak pandik talang oh tamuh veik. Pahat rup yaok harei siam ka prein yava saong ka dom talang.
Kapak lac ruak parin khang tangin, takai
Labik di rup pabhap mbuan njauk parin, la-an, abih di nyu nan lac tuk gaok langik laar lac idung, tangi, mbaok, kang, anek tangin, anek takai. Tuk njauk parin la-an, kalik saong dom mô tế bào mala kalik mbuan njauk ruak di abih. Tuk njauk parin la-an, jhui sah tame labik njauk parin kayua ngak yau nan meda ngak brei kan kandah jang. Salih tame nan, njauk tram labik parin tame ia. Jalan pacang plaih parin la-an siam di abih lac cuk aw ấm tuk tabiak langiu langik la-an.
Ka lime lac ruak viêm idung – xoang
Lac bruk niêm mạc idung njauk laka, brah saong sre rilo ia labar. Ruak bhian ngak brei katal saong sre ia idung rilo, mboh pandiak atau oh. Tuk mboh yau khin ruak, njauk mbang manyum ginup dinh duong, manyum rilo ia, ia baoh kayau iak, padeih padei, pahat rup yaok harei piah ka prein yava hu khang kadang saong hu prein piah pacang caga haong dom janih ruak saong samar drah thit ruak./.
Viết bình luận