Tui roh duah, đột quỵ sraiy darah glo akaok ngak brei menuac metai biak glaong, jaik 40%. Meyah patuah tapa hu, urang ruak jeng njauk tàn tật tal 35%. Nan ye, siam di abih lac brei pacang caga janih đột quỵ biak jhak ini.

Hu rilo makna ba tal đột quỵ sraiy darah glo akaok, dalam nan bhian gaok di abih lac tagok darah, ini lac makna bhian mboh di abih. Sa makna karei bhian gaok lac kayua dom rak darah nyu karei jang dalam glo akaok, nan lac:

Kayua pacah rak darah glo akaok.

- Kayua pandar janih ngak brei patrun khal darah.

- Kayua khối u não pacah tabiak ba tal sraiy darah glo akaok.

- Kayua pandar dom janih jru phiel ngak brei tagok darah saong ba tal sraiy darah.

- Kayua dom ruak ngak brei darah kan khal …

Urang halei jeng meda njauk sraiy darah glo akaok, min bruk mbuan sraiy darah glo akaok tagok tui umo thun. Urang likei mbuan njauk jang duk saong urang kumei.

Đột quỵ sraiy darah glo akaok brei mboh yau ini: Parin chip atau yếu di mbaok, di tangin atau takai (abih di nyu lac sa gah rup).

- Meluk malơ chip, kan ndom menyai atau kan thau panuac urang ndom.

- Kan maong chip di sa gah atau dua gah mata.

- Kan nao mai chip, having akaok, dang atau nao mai oh tapak.

-Pandik akaok chip bo oh thau kayua halei.

Đột quỵ sraiy darah glo akaok hu dom kadha gah thần kinh dreih yau đột quỵ nhồi máu não. Yaom lac dom kadha yau ye khin taglaoh ta-ok, ta-ok, pandik akaok…bhian gaok jang dalam đột quỵ sraiy darah glo akaok. Dom kadha meda karei di gauk tui labik gllo akaok njauk tổn thương, meng pandik akaok hasit tal patrun biak khang bruk ngak di thần kinh.

Urang ruak sraiy darah dalam glo akaok bhian mboh pandik akaok, srau kadau akaok sahneng, handaoh rak, taglaoh ta-ok, khin taglaoh ta-ok, tagok darah. Nan ye tuk mboh hu dom bruk yau nan, njauk ba urang ruak nao cấp cứu chip.

Tui dom bác sĩ, đột quỵ sraiy darah glo akaok lac sa ruak cấp cứu chip. Sraiy darah glo akaok takik mboh jang nhồi máu não (gar rak darah) min bhian trak damak jang. Bruk taong ruak iek tui lượng darah saong bruk tổn thương glo akaok.

Makna bhian mboh abih di sraiy darah glo akaok pambuak tal tagok darah, nan ye bruk praong camereip abih lac brei ngak ka nyu trun darah. Jeng hu menuac ruak brei blac raih mek darah tabiak piah patrun kateik trak dalam glo akaok. Langiu di nan, dom jalan hồi sức cấp cứu, iek glang siam, pacang caga biến chứng jeng hu makna biak praong.

Taong ruak suai lavik saong pasiam veik chức năng daok iek tui labik saong tui darah pataom veik praong sit yau habar. Meda brei menyum jru yaok harei piah pasang iek darah, pasiam veik bruk megei nao mai, ndom puac saong palagaih haong raidiuk yaok harei ka urang ruak. Meyah ruak trak, urang ruak meda metai atau caik veik dom di chứng saong brei hu menuac daong iek glang.

Kayua yau nan ye, tuk mboh medil lac njauk ruak đột quỵ kayua sraiy darah glo akaok, brei ba nao cấp cứu chip, oh eng drei iek ruak di sang, oh taong ruak tui panuac tacei piah plaih metai lahik atau jhak ka prein yava./..