Druh mbuk meda mai meng rilo makna karei di gauk, pagap yau mbuk taha tui menuac, stress (sahneng rilo, duh hatai, hu ruak dalam rup, pandar rilo jru hóa chất… Taphia nan, kurang chất jeng lac sa dalam dom makna ngak ka mbuk dak harei dak lamar saong druh rilo.

Dom bruk brei thau lac druh mbuk hu: Mbuk lapih nao: Tuk sah mbuk atau kua mbuk, drei mboh rilo mbuk druh saong rapeik gaok kalik akaok; hu dom labik oh hu mbuk, abih di nyu lac labik taphia takuai gah likuk, brei mboh bruk druh mbuk di drei biak trak. Hu dom menuac, kalik akaok di dom labik ini pandik atau katal tuk mbuk druh; Kadun jalan takai mbuk: Dak harei mbuk dak kadun nao gah likuk saong dhei dak harei dak glaong; Druh mbuk tuk rapao akaok: Tuk rapao akaok, meyah mboh rilo mbuk druh ye brei mboh lac mbuk drei daok gaok dom bruk biak trak damak.

Kurang dom vitamin,  khoang chat hadei ini lac makna ngak druh mbuk:

Kurang vitamin D: Vitamin D biak hu makna dalam bruk daong, raong mbuk kajap khang. Kurang meda ba tal druh mbuk atau mbuk tamuh lapih jang.

Kurang pasei: Pasei lac sa janih khoang chat ngak jeng hemoglobin, sa janih protein dalam te bao hong cau hu bruk ba oxy meng phổi tal dom mô dalam rup pabhap, hu gam mbuk.

Rup pabhap tuk halei jeng brei caik dahlau dom bruk praong oh kurang hu, yau bruk suak yava, megei rup pabhap jang mbuk daok tamuh. Meyah dom pasei khik piah di rup pabhap biar, dom co quan ini hu brei caik dahlau pasei dahlau di tuk nao tal mbuk, pambuak tal prein yava di mbuk.

Kurang biotin: Jaik abih menuac sia jeng hu ginup biotin dalam bruk mbang huak. Min hu dom menuac meda kurang kayua meng amaik ame. Dom  menuac daok metian atau brei anek mum jeng meda kurang janih ini. Meyah kurang biotin, drei meda gaok ndaih baoh di kalik, kakau tangin racam saong druh mbuk.

Kurang kẽm: Kẽm lac sa janih khoang chat hu labik dang praong dalam yaok rituh bruk di rup pabhap. Sa bruk praong lac daong ka rup pabhap salih dom janih dinh duong karei, kuhria gam dom bruk daong prein yava di mbuk. Kurang kẽm hu pambuak tal bruk kala akaok di likei atau kamei. Meyah oh hu kẽm, biak rilo bruk di rup pabhap oh hu rah tabiak, nan ye drei druh mbuk.

Kurang vitamin C: Vitamin C daong prein yava mbuk meng bruk daong ka drei taduan pasei meng pandap panda kaya mbang. Meyah drei kurang pasei atau pandar jru pabak pasei, drei brei khik tani tanat bruk pabak ginup vitamin C. Baoh kayau saong njam katam, abih di nyu nan lac amraik chuong, bingu cai hijao, baoh kam quyt, kiwi, dâu prang…jeng lac dom pandap kaya mbang pabak vitamin C rilo.

Kurang vitamin B12: Vitamin B12 lac sa janih vitamin ralai dalam ia, khik labik dang praong dalam bruk menek tabiak dom te bao hong cau meda oxy. Dom te bao ini daong raong dom takai mbuk di drei. Bruk kurang vitamin B12 meda ngak ka mbuk druh saong kateik bruk tamuh di dom rak mbuk bahrau.

Langiu di druh mbuk, kurang vitamin B12 hu brei mboh lac pambuak tal bruk mbuk patih drah. Kayua yau nan ye, meyah drei hu mboh mbuk druh atau mbuk patih ye ini lac bruk brei thau dahlau thau lac rup pabhap drei daok kurang vitamin B12./.