Ka 1. Daong khik pacang urang praong thun plaih njauk ruak cúm saong trun manieng dom kan kandah kayua cúm ba mai. Sa roh duah di urang praong thun brei mboh lac, klauk jru caga ruak cúm hu pambuak tal bruk mbuan tame sang iek ruak takik jang 26% saong mbuan metai kayua cúm takik jang 31% dut saong dom urang oh klauk jru caga ruak cúm. Tui Pasak pasang iek saong pacang caga jit ruak (CDC) Hoa Kỳ, vaccine cúm brei mboh lac ngak patrun 40% tal 60% bruk mbuan tame sang iek ruak kayua cúm. Trun cambaih bruk tamuh ruak jalan suak yava di urang praong thun.

Ka 2. Prein pacang khik di vaccine cúm hadei di tuk klauk caga tagok tal 98%, meda daong patrun bruk njauk ruak, trun tukvak ndih sang iek ruak, trun dom kan kandah saong metai lahik. Abih di nyu nan  lac ngan haong dom urang mbuan gaok kan kandah di ruak cúm mùa yau ye urang ruak hen phế quản, khí phế thũng… Klauk jru caga cúm ka urang ruak jalan suak yava trak jeng lac sa dalam dom panuac kakei praong dalam jalan taong ruak dom janih ruak mạn tính di phổi yau ye hen phế quản, viêm phế quản...

Ka 3. Trun 12% bruk mbuan njauk đột quỵ di urang praong thun

Sa roh duah bahrau ini brei mboh di Tây Ban Nha hu ba tagok blah Tạp chí Neurology brei mboh lac, dom menuac hu klauk jru caga cúm yaok thun takik njauk đột quỵ jang 12% dut saong dom urang oh hu klauk jru caga ruak cúm, yaom lac hu dom janih ruak karei mbuan ba tal đột quỵ.

Ka 4. Trun 34% bruk mbuan njauk ruak pandik hatai baoh di urang praong thun

Dalam sa langyah di dom urang roh duah ilamo di Sang bac Đại học Toronto, Canada, mboh lac, bruk klauk jru caga ruak cúm mùa meda ngak trun 34% bruk mbuan njauk pandik hatai baoh atau đột quỵ. Jalan tamuh ruak lac kayua cúm ngak patagok bruk viêm abih rup, ngak catang tagok ka hatai baoh saong dom rak darah pambuak tal phản ứng viêm di rup pabhap ngan haong ruak nhiễm trùng, ngak tamuh tabiak bruk pandik hatai baoh chip.

Ruak cúm jeng meda ba tal viêm phổi, ngak brei viêm saong catang tagok ka rup pabhap, abih di nyu nan lac baoh hatai. Langiu di nan, cúm meda ngak ka urang ruak kan thau hu dom mbang pandik hatai baoh.

Ka 5. Trun 79% bruk mbuan tame sang iek ruak kayua cúm di urang ruak ma-ik saradang di urang umo praong thun. Tuk saradang dalam darah glaong ngak trun prein caga ruak kik. Urang ruak ma-ik saradang tuk njauk cúm meda biak mbuan njauk nhiễm trùng. Tui yaok pataom di CDC Hoa Kỳ, hu labaih 30% urang tame sang iek ruak kayua ruak cúm lac urang ruak njauk ruak ma-ik saradang.

6. Di urang umo praong thun, trun 40% bruk mbuan cakrok ruak Alzheimer dalam 4 thun hadei di tuk klauk jru caga cúm.

Roh duah bahrau abih pambuak tal jaik 2 triệu urang Mỹ praong thun meng umo 65 thun tagok. Dom urang roh duah hu langyah dữ liệu dalam tukvak tui iek jaik 4 thun, labaih 5% dom urang hu klauk jru caga cúm njauk ruak Alzheimer dut saong 8,5% dom urang ka oh hu klauk jru caga cúm. Tapa pasang iek mboh lac, klauk vaccine caga cúm meda ngak trun 40% bruk mbuan tamuh ruak Alzheimer dalam tukvak 4 thun hadei di tuk klauk jru.

Rup kol drei lahik labaih 2 adit piah ngak tabiak dom kháng thể khik caga hadei di tuk klauk jru caga ruak cúm. Kayua yau nan ye, njauk klauk vaccine caga cúm dak aval dak siam, dahlau di tuk bilan cúm tamuh tabiak, bhian laik tame tukvak salih bilan di puac thun, dahlau di tuk tame bilan hajan langik laar dui atah./.