Tuk njauk ruak brei pathau khan ka gah y te 

Jru “hijao bhong” lac panuac ieu sa janih jru hu angan tui sap Nga lac arbidol urak ini hu rilo bhap bani khan brei gauk thau ka bruk taong covid biak siam di nyu. Hu oh takik urang eng drei blei mai sang menyum piah “pacang caga ruak” yaok harei sa asar. Kuhria meng mbang jit ka 4 tamuh biak khang dalam bilan 4, bilan 5 thun bloh, di dom ban prong, bhap bani khan brei ka gauk thau nao blei piah pandar. Hadei di nan, di rilo bhum palei, rilo sang daok blei pataom caik piah dalam sang, lavik lavik mek tabiak menyum yau “thần dược”pacang caga Covid.

Dom janih jru “teik tangin” ini daok hu ba tabiak pablei tapak angaok dom kapul nyaom, trang cá nhân angaok mạng xã hội yau facebook, zalo, shopee,… dalam tuk asal di nyu mai meng halei saong siam – jhak yau habar jeng oh ka thau cambaih laih. Tui dom chuyên gia, umifenovir- asal hu dalam dom janih jru “hijao bhong” hu rilo urang blei mai sang menyum urak ini jeng yau dom janih jru karei, tok lac sa dalam dom janih ngak iek angaok menuac dalam tukvak akaok mereip di jit prong piah duah jalan taong ruak Covid-19 angaok dunya. Hadei di nan, hu oh takik mbang ngak iek akaok mereip njauk padeih kayua siam lagaih oh glaong atau mbuan ba tal mai lahik, kanjah jhak oh yau hatai caong khin prong jang rilo mbang dut haong siam mekre di nyu ba mai. 

BS. Trương Hữu Khanh, Phó Chủ tịch Thường trực Hội Truyền nhiễm TP.HCM ndom lac: “Oh ka hu janih jru halei urak ini pacang caga hu virut, langiu di vaccine. Kayua yau nan ye bruk ndom lac hu jru pacang caga covid nan tok lac panuac ndom di dom urang pablei jru piah pachot urang blei pandar mbuan jia tui. Kayua yau nan ye, urang blei pandar juai eng drei blei dom janih jru nan. Oh hu janih jru halei menyum yaok harei bo pacang caga hu covid, pacang caga covid nan lac ngak njauk tui 5 paka di Mentri Y tế, jru pacang caga hu virut tok lac panuac ndom di urang pablei ba tabiak piah pachot urang blei pandar”.

Oh lac ta-eng drei blei jru taong covid, rilo urang ruak dương tính haong  covid daok eng drei pandar veik đơn jru hu 7-8 janih, dalam nan hu jru hu asal corticoid di dom urang ruak njaom ruak dahlau daih. Tui BS Trương Hữu Khanh, bruk ini jeng mbuan ba mai rilo kadha oh siam ka pren yava urang pandar; Dom đơn jru klak nan lac đơn jru taong ruak di tukvak akaok mereip tuk manuac sia angaok dunya oh ka thau rilo tal janih ruak ini, oh njauk lac phác đồ chính thức. Kayua yau nan ye meyah bhap bani menyum tui đơn jru nan bo oh iek tui ruak di rup drei, meda ba tal dom kanjah jhak prong ka pren yava, pagap yau ngak jeng tác dụng phụ ngan haong jalan tung pruac, jalan suak yava.

Ndom ka jalan saneng ini, bác sĩ Trần Văn Phúc, sang iek ruak Sain Paul (Hà Nội) brei thau, meng dom janih jru hu pandar piah pacang virut urak ini bhian hu pandar tui đơn di bác sĩ, saong bhian hu biak rilo kadha oh brei pandar, caik ka drei ngak tui catang; taphia di nan dalam tukvak pandar jeng brei tui iek tani tanat piah plaih rah tabiak dom kadha oh siam oh yau hatai caong khin./.

Urang lang: Jasi -3/3