Tuk mboh uranaih tagok boh ia angaok klik brei caik hatai sangka iek glang 

Tui bác sĩ Nguyễn Minh Tiến, piah iek glang uranaih njauk ruak pandiak tabiak drah di sang , amaik ame brei caik hatai sangka yau ini:

Meyah uranaih pandiak ye brei menyum paracetamol tui jalan lac 10-15 mg ka sa kg teik trak sa mbang, atah di gauk meng 4-6 mon  tuk pandiak veik. Bhian di nyu  3 harei camereip, uranaih pandiak glong. Nan ye, menyum jru pandiak tok brei trun pandiak dut song dahlau di tuk menyum lac ginup. Takik brei menyum jru pandiak nyaom ibuprofen, kayua mbuan tabiak drah dalam tuk ruak trak hadei ni.

Amaik ame brei pabak ia bhian gam gam ka uranaih, abih di nyu nan lac dom uranaih pandiak glong. Tuk uranaih hu menyum ia ginup, nyu takik ba tal ruak trak tagok njauk tame sang iek ruak. Meda brei uranaih menyum meng cavan sit, menyum rilo mbang dalam harei, jhui brei menyum  sa mbang biak rilo ia. Dom janih ia brei ka uranaih menyum, meda lac ia riak tasak caik liar , ia pabak điện giải, ia boh kayua, ia bai jeng hu; oh menyum ia hu  gas, ia hu sambo jhuk atau meriah bhong. 

Tuk uranaih pandiak lah mbang, brei uranaih mbang pandap  mbang  limin, mbrang, mbuan ralai, mbang rilo mbang dalam harei, piah pabak  năng lượng. Min, meyah uranaih taglaoh ta-ok ye brei padeih padei  meng 1 - 2 mon, tuk uranaih takik ta-ok meng brei mbang veik song mbang takik veik. Oh brei uranaih mbang dom pandap mbang hu sambo jhuk, sambo meriah bhong, kayua tuk uranaih ta-ok tabiak  kan thau hu tabiak drah halei oh. Gam song nan, brei menei ia, hacih saat ka uranaih , oh plaih nyaik ia. Ba uranaih nao iek ruak tui njauk harei kakei di bác sĩ.

Dalam tuk iek glang, meyah ruak oh trak ye hu siam veik dalam harei ka 6. Uranaih mboh salah salai jang, mbang menyum bingi cambuai jang, nyu meda ndok mbang dom pandap mbang yaok harei song tagok dom  labik meriah, katanh di tangin takai. Dom  biểu hiện trak di uranaih daok patrun.

Min, meyah lac mboh uranaih : pandiak glong oh trun, yaom lac menyum jru pandiak , atau handaoh tuk pandiak glong; glaih glar, ndih gam kan ieu medeih; pandik labik tain gah hanuak, dak harei dak tagok; meeik takik , ia meeik kanyik katam; taglaoh ta-ok rilo, ta-ok tabiak pandap mbang song ia menyum rilo, oh mbang menyum hu; tangin takai liar, tím tái; sre drah dhung, sre drah takai tagei, ta-ok tabiak drah, aik tabiak khak juk atau drah, dom amaik ame njauk ba uranaih tal dom labik  y tế chip.

Tui  bác sĩ Nguyễn Minh Tiến, siêu vi ba tal ruak pandiak tabiak drah hu  4 janih sit, yaok janih jeng meda ngak brei ruak  song oh hu phản ứng khik caga  chéo meyah lac njauk njom ruak. Kayua yau nan ye, uranaih njauk ruak pandiak tabiak drah meda njauk ruak veik kayua dom anek ruak sit karei di gauk./.

Urang lang: Hanipha- 19/5