Bilan hajan bhian hu rabuk, jakala. Piah khik salamat ka rup drei, pacang plaih jakala klaak njauk, kol drei njauk caik hatai tal dom kadha yau ini:

Tui iek, tui pang khau tin ka langik tasik. Dahlau abih brei tui iek khau tin ka langik tasik dahlau di tuk hu mbaok tame dom bruk ngak langiu langik. Meyah khau tin lac meda hu ngin rabuk, njauk padeih nao atau mboh lac labik drei nao tal, labik drei ngak bruk  hu labik daok, labik kandauk siam mekre, salamat.

Jalan plaih jakala klaak gah langiu langik: Meyah oh duah hu labik daok kandauk, oh mek phun kayau ngak labik dauk hajan, plaih dom labik glaong jang labik vil val, plaih atah dom pandap kim loại – pasei pasiak yau ye radaih juak, jamriak, paga pasei...

- Duah labik thu, meyah vil val hu phun glaong jang ye njauk duah labik biar, duah labik phun biar.

- Menuac daok di labik dak biar dak siam, tangin kua takuai. Labik taom gaok di menuac haong mbaok haluk lac takik di abih. Kanjeit takai tagok, oh brei ndih trun haluk.

- Dang atah dom pandap glaong, tabiak truh dom labik hu ia yau ye mblang tasik, danao, bingun, kraong, ribaong. Dom labik tabung ceik atau labik daning ceik glaong jeng biak mbuan njauk jakala klaak.

Meyah daok dalam glai ye duah dom labik phun biar jang saong lapih jang piah plaih. Oh dang jeng kapul daok jaik gauk.

Meyah mboh mbuk yau dang tagok (dreih yau mboh hu điện tuk caik tangin tame anak tivi) ye bruk ini hu makna lac meda hu jakala klaak tuk halei oh thau. Samar daok la trun saong mek tangin pacang tanye, oh ndih trun haluk atau caik tangin tagok haluk.

Jalan plaih jakala klaak dalam sang:

- Tuk daok dalam sang brei dang atah pabah mbang, atah dom pandap điện.

- Plaih atah dom labik pasah yau ye bilik menei, labik padang ia, nding ia, oh pandar điện thoại. Njauk suak dom phích điện tabiak dahlau di tuk jaik hu ngin ribuk.

- Plaih atah dom jalan talei phone atau talei điện kayua pambuak haong gah langiu nan ye meda njauk jakala klaak pambak tame.

Jakala hu điện biak khang, nan ye langiu di dom labik pandung, khuah kalik, hệ thần kinh di menuac njauk jakala klaak meda gaok kan kandah biak trak damak. Nan ye, bruk sơ cứu menuac njauk jakala klaak lac bruk praong njauk ngak chip, ngak samar drah.

Urang sơ cứu brei hu hatai khang, oh huac hagait saong brei ngak dalam samar drah piah khik siam mekre, salamat oh lac ka menuac jauk bala bo daok lac brei ka rup drei. Ngan saong menuac var drei jan, baoh hatai nduac yếu atau padeih nduac, njauk ngak hô hấp, trợ tim nhân tạo samar drah.

Meyah menuac njauk jakala klaak oh daok thau hagait, baoh hatai padeih nduac, padeih suak yava, brei samar ngak dom bruk hô hấp, trợ tim nhân tạo. Duah dom labik talang jaoh piah khik khang oh brei megei labik talang nan dahlau di tuk ba nao sang iek ruak. Min brei thau lac, drei jhui ba menuac njauk jakala klaak nao meyah mboh medil lac jaoh talang raong.

Dom labik pandung drei oh gaok tame, oh tauk dom janih hala, oh luk dom janih lamek saong brei samar ba urang y tế mai daong. Meyah menuac njauk jakala klaak hu khan ao khuak kayua jakala klaak ye samar kaoh labik khan ao khuah nan tabiak truh labik laka piah patrun pandiak. Taoh đồng hồ, meh pariak, pandap khang kateik tame labik laka piah plaih nyu brah tagok.

Njauk caik hatai thau lac: oh brei menyum atau mbang meyah menuac njauk jakala klaak nan taglaoh ta-ok atau oh daok thau hagait atau hu laka./.