Ruak tagok baoh ia mbuan si mbak, bhian tamuh ruak di uranaih ralo jang urang praong. Kayua yau nan ye, bruk thau dalau thau aval njauk ruak ieu lac janih praong siam di drei. Ruak tagok baoh mbuan si mbak tui ralo jalan. Urang thau parabha tui 3 masa tamuh ruak di nyu yau ye:

Masa yang ka 1: Manuac ruak mboh: pandiak glaong dalam rup, glaih glan, alah mbang huak, pandik tankaong. Meng 10 – 15 harei hadei di nan, urang ruak mboh tamuh baoh ia di lakuk tangi gam haong pandiak piak glaong.

Masa yang ka 2: Tamuh baoh marah bhong, mang 1-2 harei nyu salih tapa baoh marah bhong, hu ia dalam nan. Dom baoh mun ia mbak samar bak rup, mun ia cangaih, harao, tuk nyu pacah hu ia lavik haong jeng kakah. Masa ni ngak ka urang ruak mbuan salih jeng ruak karei mboh huac.

Masa yang ka 3: Tuk ini, dom baoh mun ia nyu pacah jeng kakah. Mayah urang ruak oh jeng ruak karei nyu mada kajap drah samar. Dom baoh ia pacah mada ndik kakah mbuan jeng laka.

Ruak tagok baoh mbak kayua taom baok yau nan ye mbuan mbak praong. Di masa pacah baoh ia hu ralo virus baoh ia, tuk vak ini mbuan si mbak tapa kulik di rup urang, yau nan ye drei juai gaok juai laveik njauk rup nyu.

Tuk urang patuk, galak, haok ia idung, ia ruak di nyu cuh tabiak, urang kajap njuk mada ba ruak tame. Dalam tuk masa ieik ruak, drei njauk pabang mbaok mang siuk y tế jeng ye njauk brei urang ruak daok di dalam labik tolak haong hu rang khang kajap.

Ruak tagok baoh mbuan si mbak gam haong kakah baoh taneh di nyu. Anek virus meng di dalam mun oh mbuan si matai, yau nan ye tuk nyu tame hu rup manuac lamui lamac oh khang nyu mbuan jeng ruak, mbuan si mbak. Anek naih kayua lamui lamac oh khang kadang yau urang praong jeng ye ralo bleih oh thau caga mbuan mbak ruak ralo di abih.

Tui dr. Nguyễn Văn Lâm – Akaok Pasak dom ruak nhiệt đới – Sang ieik ruak Uranaih pakat nagar, lac biah di nyu, dom baoh mun ruak baoh ia tamuh mbang hrei masa di nyu, yaok mbang atah di gauk meng 2 – 3 harei. Hadei jaik 1 adit nyu tamuh mun ia dan haong pabum taneh, blaoh nyu thu jeng kakah hu sambo putih atau balok. Kakah nyu druh eng hadei di sa hadit, min tapi nyu caik weik laka angaok rup mayah oh sangka eik caga tani tanat.

Njauk di nyu ruak tagok baoh mun ia mayah oh marat taong padam ruak mada tamuh ralo ruak karei bala krak jang jeng ye mbuan si ruak kulik mbuan si mbak anek ruak. Tal ini ka oh hu jru brei padam bih, dom cara janih taong anek ruak dan haong jru brei taong anek ruak brei daong caga mbak praong di ruak pabum mun tanek di nyu tamuh tabiak.

Bien halei tamuh ruak tagok baoh mun ia, piah daong caga ruak mbak tabiak ralo, Dr. Lâm pahakei mikwa lac njauk:

Luk jru hijau bien halei baoh mun ia patuh tabiak; Piah brei kaka di nyu druh eng, juai pal juai gaok njauk rup nyu; Caga brei uranaih, mayah lac anek naih pandiak glaong njauk brei manyum jru patrun pandiak, brei mayum jru caga ndaoh rup, caga pakatan kulik tui pahacei kakei di dokter.

Njauk brei mbang mayum siam lagaih saat mat. Njauk mbang dom janih mbang mayum lagaih yau ye bu, súp. Pabak tambah baoh karaoh hu ralo vitamin C. Brei klauk jru ganap, njauk tui patacei brei, ieu lac siam makre lagaih gheih di abih./.