Pandik gout samar drah mbuan tamuh veik di harei pandiak kayua bruk bhian randap mbang huak yaok harei di menuac ruak oh hu tui iek siam.  

- Bilan pandiak lingik bhian pandiak pa-uh, bruk randap menyum alak, mbia di rahra jeng tagok rilo. Bruk menyum mbia, alak rilo jeng lac sa makna ngak ka dom mbang pandik gout tamuh veik. Gam haong nan dom mbang menyum alak mbia bhian gam tui bruk njuk pakao. Ini jeng lac sa dalam dom makna ngak ka ruak gout tamuh veik.

- Bilan pandiak lac tuk nao rivang me-in rilo jang, ini jeng lac tuk urang mbang rilo ikan hadang, kaya mbang hu rilo đạm saong kan pasang iek hu dom kaya mbang.

Lingik pandiak ngak ka rup pabhap patuh rilo ia hauk jang. Meyah rup pabhap oh hu pabak ginup ia ye ngak ka darah mambeik meda ngak ka nồng độ acid uric tagok. Taphia nan, meyah menyum takik ia ye bruk nao me-ik jeng takik jang, rup pabhap tathuak tabiak takik acid uric jang, jeng lac makna meda tamuh ruak pandik gout samar drah.

Yau nan pacang caga pandik gout samar drah yau habar? Tuk menuac ruak mboh yau pandik gout njul atau trak, brei nao tal dom labik y tế piah pasang iek meng dom bac si chuyên khoa. Meyah mboh lac gaok ruak pandik gout ye brei mbang huak njauk tui tacei pato piah pacang caga pandik gout tamuh veik.

Ruak gout hu mboh hagait dalam rup pabhap? Di tukvak camereip menuac ruak bhian oh hu mboh hagait di langiu rup pabhap, kayua tuk ini rup pabhap tok hu tagok acid uric, oh ka ngak pandik di dom labik karei di rup pabhap. Tuk acid uric tagok glaong, menuac ruak mboh pandik takai, bhian lac pandik canau takai ine. Maong mboh rilo abih di ruak gout lac pandik biak khang, barah bhong di dom tuk talang. Meyah menuac ruak pasang iek ruak mboh ruak pandik gout ye brei ngak tui jalan taong ruak di bac si, dalam nan hu bruk randap mbang huak.

Bruk ngak tui jalan taong ruak gam daong pasang iek ruak siam gam daong patakik bruk tamuh veik ruak pandik gout. Pak ala ini lac dom panuac kakei piah ka menuac ruak patakik pandik gout samar drah:

- Njauk caik hatai di abih lac bruk mbang huak. Jui mbang biak rilo ikan hadang saong ralow. Siam abih, njauk mbang dom janih ralow hu sambo màu mbong patih hu takik purin yau ralow menuk, ralow pabui, ralow ikan, takik mbang tung, pruac athur… saong pasang iek protein mbang tame rup pabhap di tanut meng 50-100gram/harei. Taphia nan bhian mbang rilo baoh kayau, njam patam piah brai acid uric hu salamat saong brei mbang dahlau dom janih yau: cải xanh, súp lơ, bắp cải, tamun ia, kruac, dâu tây, anh đào… Haong janih menyek pandar dalam bruk ngak tabiak kaya mbang njauk pilih ruah dom janih menyek ritak lo, menyek lange, menyek oliu piah patrun lamek. Siam abih brei mbang pandap tuk saong takik pandar rilo menyek tame kaya mbang.

- Menyum ginup ia meng 2-3 lít yaok harei piah ginup ia ka rup pabhap, abih di nyu lac dalam dom harei pandiak. Brei parabha samu ia menyum dalam harei piah daong ka rup pabhap tathuak tabiak acid uric tapa jalan me-ik.

- Daok menuac lamek ye brei patrun lamek, khik tani tanat kilo saong BMI ka lagaih.

- Khik bruk pathram pahat rup yaok harei.

- Pasang iek pren yava njauk tukvak

Menuac ruak jeng oh eun kaya mbang halei, bruk praong lac pasang iek hu hadom kaya mbang tame rup pabhap pambuak haong bruk pathram pahat paglaong pren yava./.