Hu rilo makna ngak brei kurang darah kurang sắt di uranaih. Sa dalam dom makna bhian gaok abih lac pabak pasei oh ginup: bruk mbang huak kurang sắt yau ye kurang ia tasau amaik, manyum ia tasau janih oh pabak pasei, brei mbang tapung kurang pandap mbang hu asal meng athur. Di anek kaman manek kurang bilan, kurang kilo tuk manek saong anek raok, dom sắt caga hu pabak tapa tuan hoan rau thai takik jeng mbuan kurang sắt.

Tuk uranaih kurang darah, kurang pasei bhian masalơ, mboh cambaih abih lac di  plak tangin, plak takai, jhih tangi, niêm mạc tarakaong, mata sableit. Dom janih gam tui lac tui ruak trak atau hanjul. Uranaih mboh glaih glar, takik nduac ma-in, samar mboh glaih tuk ngak hagait, mbang takik, mbang mboh oh bingi. Uranaih mboh suai praong saong bhian njauk sarau kadau jalan tung pruac, trun prein pacang caga ruak,, mbuan njauk dom janih ruak nhiem khuan.

Piah pacang caga ruak kurang dahrah kayua kurang pasei njauk raong uranaih meng ia tasau amaik atau brei manyum ia tasau pabak pasei ka uranaiih dalam thun camereip bahrau menek. Tui yaok uranaih bo dom bac si meda brei pabak pasei tapa jalan manyum, dom pandap pasei yau Sulfat pasei, Gluconat pasei. Klauk pabak meyah uranaih oh manyum hu atau oh njom tame dalam rup hu. Tame darah hu pato tacei dalam dom uranaih.

Tuk uranaih kurang darah, kurang pasei amaik ame njauk caik hatai tal bruk mbang huak di uranaih. Dom pandap mbang njauk plaih piah trun bruk njom pasei tame, yau: Uranaih kurang darah, kurang pasei oh mbang pandap mbang hu rilo canxi, dalam nan hu ia tasau saong dom pandap mbang meng ia tasau yau ye pho mát, sữa chua, dom janih asal saong patei. Kayua canxi meda pacang bruk njom pasei tame dalam rup pabhap, nan ye ngak brei trak damak jang bruk ini.

Pandap mbang hu Gluten hu rilo dalam mì ống, dom pandap meng lúa mì, lúa mạch, lúa mạch jhuk saong yến mạch… jeng hu kakei lac njauk plaih pandar ka uranaih kurang darah. Dom pandap nan meda ngak brei trak damak jang bruk ini, ngak jhak tal tung pruac, pacang bruk njom tame di pasei saong axit folic – dua janih biak hu yaom glaong ka bruk ngak tabiak darah hồng cầu.

Amaik ame njauk caik hatai pabak dom pandap mbang hu rilo pasei ka uranaih, dalam nan brei pabak dahlau dom pandap hu dom pasei glaong yau ye hatai di dom athur yau ye manuk, pabui, limo; cung, sò, hàu; ralaow limo saong ralaow manuk… jeng pabak pasei biak rilo. Langiu di nan, dom janih njam hu hala sambo mau hijao đậm yau ye njam puan, cải bó xôi, njam ngót… jeng hu rilo pasei.

Piah ka pasei njom tame hu siam jang, amaik ame brei ka uranaih mbang gam haong dom janih pandap mbang hu rilo vitamin C saong dom vi khoáng chất yau kẽm, Lysine, crom, selen, vitamin B... daong pabak ginup duong chat di uranaih. Langiu di nan, dom vitamin ini daok daong ka jalan tung pruac, paglaong prein njom duong chat tame, daong pasiam bruk alah mbang, daong ka uranaih mbang bingi cambuai.

Langiu di nan, hu dom janih pandap mbang pabak pasei biak rilo bo drei meda duah thau saong mek pandar yau ye bu brah ndiuk tai pabui, ia bai manuk ham tam thất, bu ratak aik takuk madar bhong, ia bai củ cải mbong talang pabui, ia bai cung ngak haong baoh daoh, ia bai hẹ haong baoh jen (lanôn), ia bai manuk am maraik kalu hang haong bí đao, ia bai lá lách haong cải cúc, ia bai bimau haong laya, ia bai ralaow thar tacaoh klik haong njam dền... Dom pandap mbang ini oh lac lagaih haong dom urang bahrau thit ruak, bo daok lac pandap mbang siam ka darah di uranaih.

Tuk uranaih mboh yau kurang darah, kurang pasei, amaik ame njauk ba uranaih nao tal bilai iek ruak piah hu pasang iek ruak saong tacei pato cambaih laih. Amaik ame oh eng drei blei ka uranaih manyum pabak pasei saong Vitamin tổng hợp hu sắt tuk ka oh ka sua tangi  bác sĩ./.