Dalam dom harei tapa, rabuk ka 3(Yagi) ngak brei hajan praong, glut jaleih taneh saong ia dauk rilo labik praong di rilo tỉnh ban. Piah khik ka ia hacih, sa-at môi trường, khik iek janih nerak tathuak di y tế hadei rabuk, Cục Khik ramik môi trường y tế ieu Sở Y tế dom tỉnh, ban gaok kan kandah kayua rabuk ia dauk, pato tacei dom labik y tế di tỉnh ngak dom bruk yau ini:

Ngan haong bruk langyah ia hacih saong sa-at môi trường di labik daok: dom labik y tế brei samar pabak ginup hóa chất, pandap piah langyah ia saong ngak hacih môi trường.

Gam haong nan, jhul khang bruk khan brei thau, tacei pato dom jalan langyah ia, ngak hacih môi trương ka rahra; pambuak haong dom ban, ngành, kapul nyaom piah daong ba, tacei pato rahra ngak hacih rup drei, ngak hacih môi trường, sang danaok hadei di rabuk ia sua tui jalan ia trun tal halei ngak hacih môi trường tal nan.

Langyah dom bingun kuac, raok, kavei ia dauk tui tacei ba di Bộ Y tế; peih bruk pruh jrut pamatai côn trùng saong véc tơ ngak brei ruak hakik di dom labik mbuan hu ruak hadei di tuk ngak hacih môi trường.

Patagok bruk pasang iek chất lượng ia piah pandar meng dom sang mac ia, bilai pabak ia praong khik kajap nồng độ clo labaih tui adat.

Ngan haong bruk khik ramik nerak tathuak di y tế, khik kajap ia hacih saong sa-at môi trường di labik y tế, brei patagok bruk pataom mek, neh rabha, khik ramik saong langyah janih nerak tathuak di y tế. Pasang iek, pasiam veik dom labik khik ramik nerak tathuak di y tế, abih di nyu nan lac janih nerak tathuak njaom pambak piah khik salamat, caga plaih bruk mbuan ngak njaom nerak môi trường.

Pasang iek hệ thống pataom mek saong hệ thống langyah ja nerak tathuak di y tế; patagok dom bruk khử khuẩn piah langyah ia nerak tathuak di y tế khik kajap siam mekre dahlau di tuk tathuak tabiak gah langiu.

Brei pabak ginup ia hacih dahlau ka dom labik y tế.

Hadei di rabuk ia sua, labik y tế samar drah ngak hacih môi trường, sa-at mblang bein saong khử khuẩn dom khoa, dom phòng. Meyah kavei padang ia hacih nyu dauk ye hadei di tuk ia trun brei rao saong khử trùng kavei ia.