Gan lac janih tung pruac praong abih dalam rup pabhap, ngak bruk ba salih dom janih dinh dưỡng, halang dom jru mek saong pataom veik dom janih mật, ngak tabiak enzym siam ka rup pabhap. Min, gan meda gaok njauk rilo janih ruak kayua dom anek ruak, virus saong bruk randap mbang huak yaok harei.

Hu dom bruk ngak ka drei mbuan gaok ruak gan, dalam nan menyum rilo alak mbia lac mbuan gaok abih. Langiu di nan, daok hu dom bruk karei yau ye: Pandar gai klauk jru haong gauk; Xăm atau klauk gilaong tangi meng jarum oh ka hu ngak pahacih; Bruk ngak pambuak tal bruk gaok darah saong dom janih ia karei dalam rup pabhap hu virus dalam nan; Quan hệ tình dục haong rilo urang bo oh hu pacang caga ye mbuan gaok njaom pambak tapa jalan tình dục; Urang gaok ruak me-ik saradang atau cholesterol glaong; Dom urang dalam sang dahlau daih hu gaok ruak gan.

Ruak gan bhian kan kandah, bruk tamuh ruak biak srau kadau, ngak cuang kandah oh sit tal prein yava. Tuk ruak tamuh meda ba tal metai lahik di urang ruak. Pak ala ini lac dom jalan ngak piah khik ka hala gan tuk halei jeng hu khang kadang.

Takik menyum alak:

Gan tok taduan hu hadom mbia saong alak gam sa tukvak. Meyah menyum rilo mbia, gan brei ngak bruk rilo jang. Tui tukvak bruk nan meda ngak barah, khang tagok atau ung thư gan. Kayua yau nan ye, takik menyum mbia, alak lac bruk siam abih piah pacang khik gan.

Mbang huak siam mekre

Mbang ein meda ngak laka tal gan. Meyah bhian mbang dom kaya mbang lamek, kaya mbang hu chế biến blaoh, kaya mbang hu rilo janih jru, kaya mbang me-ih…meda ngak kan kandah praong ka gan. Tuk gan “tapa prein” jru mek meda pataom dalam gan saong ngak brei ruak hakik.

Nan ye, piah hu sa hala gan khang kadang, njeuk mbang huak hu siam mekre. Siam abih lac mbang rilo njam katam, baoh kayau piah pabak ka rup pabhap rilo vitamin saong janih khoáng. Piah jhul khang bruk palahik jru mek gan saong halang rup pabhap, brei menyum 1,5 tal 2 lít ia yaok harei. Abih di nyu nan lac, takik menyum alak kayua alak lac makna praong abih ngak brei ruak gan.

Kaya mbang samar drah bhian hu rilo janih lamek saong rilo carbohydrate, mbuan ngak labaih kí lô, lamek rup saong dom ruak ba tal ruak me-ik saradang. Kayua yau nan ye, piah plaih gaok ruak gan, drei plaih bruk mbang rilo kaya mbang sajmar drah.

Hu jalan diukrai siam mekre saong tuk halei jeng bui sambai, chreih chrai

Duh hatai jeng lac sa dalam dom makna ngak ka ganglaih glar. Langiu di nan, jeng brei khik dom bhian randap mbang daok siam mekre yau ye: ndih ginup, oh medeih lavik melam, bhian rao tangin…piah plaih ngak ruak gan. Patrun patakik dom bruk bo ruak barah gan siêu vi meda ngak tabiak.

Klauk vaccine caga ruak barah gan saong oh quan hệ tình dục oh salamat haong urang oh thau krein. Oh pandar haong gauk dom pandap kaya yau gai glaoh cagei, to kuah balau kang …Oh pandar gai klauk jru haong gauk. Plaih mbang dom kaya mbang oh ka tasak piah caga ruak barah gan siêu vi njaom mbak tapa jalan tung pruac.

Pasang iek ruak tui định kỳ

Pasang iek ruak tui định kỳ meda mboh ruak gan gaok mai dalam tuk bo oh hu mboh cambaih laih hagait dalam rup pabhap. Meyah mbuan njauk ruak jang atau mboh dom bruk brei thau ka ruak gan ye bruk caik hatai sangka saong mboh samar drah lac biak hu makna./.