Baoh kayau saong njam patam biak siam ka prein yava, meblah 1/3 dom pandap kol drei mbang yaok harei. Nyu lac sa binah hu yaom biak praong dalam bruk mbang huak siam mekre, khang kadang, kayua nyu pabak biak rilo chất xơ, hu rilo vitamin saong khoáng chất..

Mbang rilo baoh kayau saong njam patam meda daong ka drei khik hu teik trak kayua nyu hu takik calo saong lamek, saong meda ngak brei patrun bruk njauk ruak baoh hatai, đột quỵ, dom janih ung thư saong lamek labaih kilo.

Tuk mbang baoh kayau kol drei bhian laok kanduh klaak nao piah plaih gaok jru halak. Min tui panuac khan di dom chuyên gia dinh dưỡng, kanduh baoh kayau hu chất pacang oxy hóa saong vitamin, ngak ka nyu meda jeng labik bổ dưỡng abih di baoh kayau.

Kanduh baoh kayau hu rilo chất pacang oxy hóa: mikva njauk mbang baoh kayau hu rilo sambo màu. Dom “sắc tố” nyu ngak brei kanduh di dom janih baoh kayau hu rilo sambo màu jeng hu daong ngak jeng dinh dưỡng glaong di nyu, kayua kanduh hu chất pacang oxy hóa glaong jang duk haong ralow gah dalam. Dom janih kanduh hu sambo màu sẫm yau kanduh baoh việt quất, nho, cà rốt saong kiwi… hu biak rilo chất dinh dưỡng.

Labik pabak chất xơ siam: Kanduh baoh kayau lac labik pabak chất xơ oh ralai, ba mai rilo siam mekre ka prein yava. janih chất xơ ini daong ka tung megei siam saong pacang caga táo bón.

Takik calo: Kanduh baoh kayau meda lac oh hu calo, saradang saong lamek, min hu chất xơ glaong ngak patagok pandap mbang, ngak ka kol drei mboh samar trei. Kadha ini siam ka prein yava kayua nyu ngak patrun bruk mahu mbang saong daong cakak trun dom calo pabak tame.

Hu rilo khoáng chất: Kanduh baoh kayau jeng hu biak rilo khoáng chất yau kali, mangan, canxi saong kẽm. Kali daong pasiam prein yava tim mạch meng bruk rami ramik jalan darah nduac, canxi siam ka talang saong magie siam ka baoh patih. Baoh kayau nyu pabak biak rilo khoáng chất, yau patei hu biak rilo kali saong magie, daok baoh bơ nyu hu mangan saong phốt pho. Yau dom janih baoh kayau karei karei, kanduh patei jeng hu dom chất dinh dưỡng glaong jang duk haong ralow baoh patei.

Dom janih kanduh baoh kayau atau njam patam kan mbang atau oh mbang hu, ye kol drei njauk laok kanduh klaak. Pagap yau kanduh di baoh bơ, baoh manaih, akaok lasun saong dom janih baoh tamun ye kanduh oh mbang hu, meng kanduh metah tal kanduh tasak. Daok dom janih kanduh mbang hu min nyu oh bingi cambuai yau ye baoh daak, baoh paloi…

Baoh cam quýt jeng hu kanduh phik nan ye kan mbang. Dom janih kanduh ini bhian hu tuk tasak atau ngak mứt, bluh thu piah ngak jeng tea menyum…

Jru halak hu pandar piah pametai halak, khik caga phun pala. Piah trun meneing dom jru halak daok kandaong veik di kanduh baoh kayau, oh siam ka prein yava, kol drei brei rao hacih baoh kayau, tram ia sara dahlau meng mbang. Min laok kanduh jeng lac jalan ngak siam di abih piah klaak nao dom jru halak njaom tame kanduh baoh kayau saong njam patam./.