- Baoh uas: Baoh Uas hu rilo janih xơ, vitamin C saong janih pacang oxy hóa, daong pacang plaih ruak, pren yava tung pruac. Baoh uas daong rami ramik saradang dalam darah saong hu kein ka pren yava hatai baoh. Janih baoh ini jeng ngak pasiam kalik, hadah meta.

- Medar: Baoh medar siam ka pren yava hatai baoh, daong jalan tung pruac saong daong rami ramik saradang dalam darah. Hu rilo janih xơ, vitamin C saong K, saong janih pacang oxy hóa, nyu patagok bruk pacang plaih ruak, daong pasang iek teik trak, ngak brei kalik khang kajap. Baoh medar jeng pacang barah, meda ngak brei trun dom ruak  mạn tính.

- Lahaong: Baoh lahaong hu rilo vitamin A, C saong E, saong hu dom enzyme tieu hoa yau papain daong tieu hoa, patagok bruk pacang plaih ruak, trun brah saong ngak brei kalik khang kajap. Dom janih xơ di baoh ini jeng daong pasang iek bruk teik trak.

- Pa-aok: Pa-aok hu biak rilo vitamin A saong C, janih pacang oxy hóa saong janih xơ. Nyu pasiam tung pruac, daong pren yava di meta saong patagok bruk pacang plaih ruak. Pa-aok jeng ngak trun cholesterol saong pasiam pren yava kalik.

- Patei: Patei lac janih baoh pabak kali, vitamin B6 saong janih xơ siam di abih ..., daong khik huyết áp, daong pren yava hatai baoh saong pabak nang luong samar drah. Patei jeng daong jalan tung pruac, meda daong trun kilo.

- Panat: Baoh panat hu rilo vitamin C, A saong rilo janih vitamin B, janih xơ... patagok bruk pacang plaih ruak, pasiam tieu hoa saong daong pren yava hatai baoh, daong pacang barah saong takik njauk dom ruak mạn tính.

- Baoh dalim: Baoh dalim hu rilo janih pacang oxy hóa, vitamin C, K saong janih xơ. Nyu ngak patagok pren yava hatai baoh meng bruk trun cholesterol saong huyết áp, daong jalan tung pruac, patagok bruk pacang plaih ruak. Baoh dalim jeng pacang hu barah, pasiam glo akaok.

-Kandiuk: Baoh kandiuk ru rilo vitamin C, B6, magiê, kali...patagok prein pacang plaih ruak, pasiam jalan tung pruac saong daong prein yava hatai baoh. Janih pacang oxy hóa glaong dong trun barah, pacang caga dom ruak mạn tính.

- Manaih: Baoh manaih hu bromelain, sa janih enzyme daong jalan tung pruac saong trun barah. Nyu hu biak rilo vitamin C, mangan saong janih pacang oxy hóa, daong pacang plaih ruah, pasiam pren yava di talang. Baoh menaih jeng daong thun kilo saong pasiam pren yava kalik.

- Sapoche - Lamut: Ini lac baoh kayau pabak vitamin A, C saong kapul B biak siam, jeng yau janih xơ dalam bruk mbang huak; daong pren yava tieu hoa, patagok bruk pacang plaih ruak saong ngak brei kalik kajap khang. Saradang dalam baoh ini nyu pabak nang luong samar drah, ngak ka nyu jeng sa kaya mbang njuel biak siam.

Piah mbang baoh kayau hu kein glaong ye mikva brei ba baoh kayau tame bruk mbang huak meng bruk pabak nyu tame ngũ cốc mbang panan, sữa chưa atau sinh tố.

- Mbang njuel meng baoh kayau that atau mbang nyu dalam kaya mbang salad, pandar yau janih ngak yamen dalam kaya mbang rao cambuai.

- Njauk caga sa jaluk baoh kayau, caik di labik mbuan maong mboh, mbuan mek mbang saong ruah rilo janih baoh kayau tui bilan piah hu dom janih dinh duong karei di gauk.

Mikva jhui laok kanduh dom janih baoh kayau yau medar, baoh le saong tamun thro kayua nyu hu janih xơ, vitamin saong janih pacang oxy hóa. Min, brei rao hacih nyu piah palahik abih jru  halak.

Daok dom janih baoh yau ye baoh kruac, quyt, atau baoh hu kanduh khang, bruk laok kanduh lac njauk ngak piah tieu hoa siam jang saong mbang mboh bangi jang./.