Sa kein laghaih di tỏi metah lac hu vitamin saong khoáng chất, dalam nan hu vitamin B6, mangan, selen, vitamin C, sắt, kali saong đồng. Bruk pambuak gauk khang ini biak siam ka bruk taduan mek Vitamin B6 saong magie jeng hu pambuak tal bruk paglaong hatai sahneng saong pasiam veik pren yava glo akaok.

Tỏi pabak vitamin C, patagok hệ thống miễn dịch. Tui Mentri Ngak nong Hoa Kỳ, jaik klau klaih toi hu jaik klau miligam vitamin C. Piah patagok hệ miễn dịch, njauk pabak tame hasit tỏi metah tame van mbang huak.

Tỏi hu allyl sulfides pacang viêm, pacang ung thư meda daong ngak brei suai veik jalan tagok di tế bào ung thư. Langiu di nan,  bruk pacang viêm di tỏi daong pacang khik rup babap plaih hu bruk stress oxy hóa.

Meyah drei daok caong thau lac "Tỏi hu siam ka gan" halei oh? Dom roh duah hu tacei tabiak lac tỏi meda pacang khik ka gan plaih di dom jru mek. Tapa nan, gan ngak bruk siam meda daong ka rup babhap tah klak dom jru mek siam laghaih jang, kadha ini biak siam ka pren yava.

Bhian mbang tỏi siam ka pren yava tim mạch, patrun bruk mbuan njauk ruak tim. Tỏi meng lavik mai hu thau lac  ngak patrun cholesterol saong khik tani tanat huyết áp.  

Hu sa kadha brei mboh lac bruk mbang tỏi meda daong ka rup babap pacang cakak haong ruak lamin talang. Tỏi meda ngak brei tagok nồng độ estrogen di urang kamei yam tame tukvak mãn kinh, tukvak talang mbuan si njauk ruak lamin talang glaong di abih.

Mbang tỏi siam ka kalik meng bruk tỏi pacang anek ruak saong pacang bimao, daong taong hu ruak mun saong dom kein laghaih pacang cakak viêm daong pasiam veik jalan tuần hoàn dalam rup babap.  

Mbang tỏi yaok harei yau halei lac siam laghaih? Hu dom roh duah brei mboh yaok harei njauk mbang 2 tal 4 tép. Tui PGS.TS. Phạm Thị Bích Đào, Sang iek ruak Đại học Y Hà Nội: Piah mbuan mbang jang, njauk thaok tỏi srau haong hanoi aia danko atau menjek ô liu daong ka rup babap patagok jalan miễn dịch, patrun bruk mbuan njauk ruak saong patagok bruk pasiam veik ruak kik, patagok pren pacang caga ruak tuk mbang yaok harei.  

Tỏi siam ka pren yava min ngan haong dom urang, mbang tỏi meda gaok dom tác dụng phụ yau:

Meda ợ chua, pandiak harao dalam pabah, sadah ngin, aih traoh atau khin taglaoh ta-aok.

Mbang tỏi rilo meda ngak brei pandung atau pandiak harao jalan tiêu hóa. Kadha ini mbuan ba tal dom salih bahrau dalam hệ thực vật jalan tung pruac.

Dom urang hu kalik nhạy cảm mbuan ngak brei tamuh mban tuk taom gaok tapak haong tỏi.

Dm menuac daok pandar dom janih jru njauk caik hatai sangka kayua tỏi metah meda hu phản ứng haong dom janih jru, dalam nan hu jru pacang khal darah, jru pacang tiểu cầu, patrun saradang  saong insulin. Siam di abih, mikva njauk sua tangi bác sĩ dahlau di tuk pabak tame janih pandap mbang halei atau phun jru  halei (pagap yau tỏi metah) tame dalam bruk mbang huak di drei./.