Bác sĩ chuyên khoa II. Trần Ngọc Quế, Akaok Kapul Đông Y Quảng Bình brei thau, ia hani danko tram laya lac jalan ngak meng kan hu biak rilo urang ngak hu pandar meng lavik mai dalam bruk daong khik prein yava. Ia hani danko tram laya hu kein yau ini:

- Daong ka tung pruac; ngak patrun ruak suh laar saong patuk; patagok prein pacang caga ruak; trun bruk laka saong pandiak,  daong ka baoh hatai khang kadang. Min, ia hani danko tram laya oh salih hu ka bruk taong ruak dalam y khoa. Mayah mikva hu mboh njauk ruak hagait, njauk nao gaok bac si piah hu tacei pato tantu cambaih.

Tui BSCKII. Trần Ngọc Quế, ia hani danko tram laya meda pandar di tuk halei dalam harei jeng hu, min, dom tukvak hadei ini meda ba mai siam lagaih glaong di abih:

- Tuk dah page: Manyum ia hani danko tram laya di tuk dah page, tuk tung pruac daok saoh meda daong ka ka drei mbang bingi jang saong pabak prein yava ka rup pabhap.

- Dahlau di tuk mbang: manyum ia danko tram laya dahlau var mbang meda daong patrun  lipa saong pacang caga bruk mbang biak rilo.

- Dahlau saong hadei di tuk pahat rup: Ia danko tram laya meda pabak ka prein yava dahlau di tuk pahat rup saong daong pasiam veik prein yava hadei di tuk pahat rup.

Yaom lac ia danko tram laya hu rilo siam lagaih ka prein yava, min dom urang njauk plaih atau pandar takik, lac:

- Urang njauk dị ứng haong ia danko atau laya: Mayah drei thau lac hu di ung haong ia danko atau laya, njauk plaih pandar ia danko tram laya piah pacang caga bruk dị ứng.

- Uranaih umo mala 1 thun jeng brei pandar patakik: Ia danko meda hu janih vi khuẩn Clostridium botulinum, meda ngak brei njauk jru mek di uranaih umo mala 1 thun.

- Urang njauk ruak ma-ik saradang: ia danko nyu pabak saradang tự nhiên, meda ngak brei tagok saradang dalam darah. Kayua yau nan ye, urang njauk ruak ma-ik saradang brei takik manyum ia danko.

- Urang hu ruak jalan tung pruac: Laya meda ngak ka drei pachreih mbang saong ngak patagok dom acid tung pruac. Nan ye, urang hu ruak gah tung pruac njauk caik hatai tuk pandar laya.

- Urang daok pandar jru pacang khal darah: laya meda ngak brei khang tagok jru pacang khal darah, ba tal bruk mbuan sraiy darah. Mayah drei daok manyum jru pacang khal darah, njauk ginum biai haong bác sĩ taong ruak dahlau di tuk pandar laya.

Tram ia danko haong laya lac biak mbuan, mikva jeng meda eng drei ngak di pak sang piah pandar yaok harei. Jalan tram yau hadei di ini:

- Pandap ngak: Laya 200 g; Ia hani danko 200 ml

Mikva rao hacih laya, hadei di nan kaoh candaih lapih.

+ Caik candaih laya tame sa kalok hacih, tuh ia danko tame tal dauk laya abih.

+ Gam tuk sir saong caik di labik thu, halui, lahei. Hadei di 1 tal 2 ait, meda mek tabiak manyum.

Njauk caik hatai lac: Tuk pandar, mek hanoi hacih piah mek ia danko tram laya tabiak truh kalok, plaih caik ka ia atau janih hagait laik tame gaok ia danko dalam kalok piah plaih ngak khut ia danko.

Sa harei mikva tok pandar meng 15 -20 gam saong lai mbrang haong 300ml ia pandao. Mayah mikva mboh prein yava yau hu hagait kareit, njauk khan brei bác sĩ atau dom urang ilamo dinh dưỡng thau dahlau di tuk pandar.