Amaik ye njauk rao tangin hacih dahlau di tuk brei anek mum

Tuk daok raong anek meng ia tasau amaik bo njauk COVID-19, dom amaik njauk tui iek prein yava, duk pandiak dalam rup takik abih 2 mbang sa harei. Yaok iek nhịp thở, yaok iek mạch nduac, duk SpO2 haong huyết áp yaok harei. Tuk mboh kan suak yava, suak yava glaih, ngu cambuai, klik hijao, la-an kaok tangin, akaok takai ye njauk ieu urang jakar y tế. Abih di nyu lac, tui iek sản dịch, co giãn tử cung saong mboh dom kadha oh lagaih gah sản khoa.

Tuk mboh hu dom bruk oh lagaih yau ye: tabiak darah rilo, sản dịch mbau bruk; pandik tian, labik jhik tầng sinh môn atau labik blac raih ndih tapui nyu sraiy ia atau hu laneh, pandiak mangaok 38°C, pandar jru pandiak mboh oh trun pandiak, handaoh rup… njauk samar khan brei y tế thau atau nao tal labik y tế daok jaik di abih.

Tui tacei pato di Mintri Y tế, meyah 2 amaik anek jeng njauk COVID-19, amaik meda khik bruk brei anek mum yau yaok harei.

Meyah anek kamar gar dhung, kan mum, amaik njauk ngak hacih dhung ka anek dahlau di tuk brei mum. Daok meyah tok hu amaik njauk COVID-19, urang y tế njauk tacei ka amaik saong gauk gar dalam sang njauk sahneng kuhria kein lagaih di bruk brei anek mum haong dom bruk mbuan ngak brei anek naih meda njauk COVID-19.

Meyah amaik daok raong anek meng ia tasau amaik ye njauk rao tangin hacih dahlau di tuk brei anek mum saong cuk pataih pacang mbaok tuk daok jaik anek naih. Rao hacih tasau yaok harei 1 mbang. Meyah amaik patuk, dhung phal tame tasau, brei rao hacih tasau meng ia sa-at saong uak thu.

Meyah anek naih oh mum hu, njauk tacei pato amaik iak ia tasau meng tangin (atau meng pandap iak ia tasau) saong brei ka anek naih mbang ia tasau meng cung, meng hanuai, rao tangin gam gam dahlau di tuk iak ia tasau.

Dalam tuk iak ia tasau saong brei ka anek naih mbang, amaik brei cuk pataih pacang mbaok, rao hacih pandap iak ia tasau saong dom glaih, cung, hanuai (siam di abih njauk kahon atau riak pandiak pandap brei ka uranaih mbang).

Meyah prein yava urang amaik mboh yau ruak trak tagok, oh daok raong hu anek meng ia tasau amaik, meda pandar ia tasau thanh trùng meng gilang ia tasau amaik atau raong anek tui tacei pato di urang jakar y tế. Tuk prein yava di amaik hu tani tanat, ye brei anek mum veik chip.

Mintri Y tế jeng kakei lac, dalam tuk iek glang anek naih, oh cang dut iek samar gam gam atau RT-PCR ka taong abih anek kamar, kuhria gam tuk urang iek glang anek kamar njauk COVID-19. Oh eng drei pandar jru kháng virus, kháng sinh, kháng viêm ka urang kumei metian, amaik brei anek mum… tuk oh ka hu tacei pato di bác sĩ. Gam haong nan, oh brei chom ka anek kamar  saong oh brei xịt rao dhung ka anek kamar./.

Lang sap: Mousa Phương – 07/04