Kadha “Urang iek ruak” adit ini, TS-BS Lê Quốc Hùng, akaok khoa Ruak nhiệt đới, Sang iek ruak Chợ Rẫy tacei pato mikva jalan pacang caga njauk jru mek pandap mbang kayua jru mek botulium.

Tok dalam oh ka tal sa adit, hu takik di abih lac 6 urang ruak di TP Thủ Đức (TP.HCM) tame sang iek ruak cấp cứu hadei di van mbang huak. Meng dom triệu chứng karei di nyu, ruak trak tagok, saong tapa dut iek, dom chuyên gia brei thau lac makna ba tal njauk jru mek nan lac botulinum. Tal urak ini, 4 ka jeng daok brei suak yava meng mac. Trak damak jang, oh daok hu sang iek ruak halei di Việt Nam hu jru  ngak brei taba jru mek botulinum. Tapa duah thau, mboh lac dom urang ruak ini mbang bánh mì chả lụa, sa urang mbang mesin caik lavik harei. Chả lụa mboh lac daok khut, hu papaok meng mbao ni lông pacang sre, tuk peih tabiak mboh haok aia saong mbau karei.   

Tui TS-BS Lê Quốc Hùng, Akaok Khoa Ruak nhiệt đới, Sang iek ruak Chợ Rẫy, vi khuẩn botulinum diuk di dom labik hu oxy biar. Dalam labik bình thường, botulinum oh diuk hu min nyu salih jeng dom bào tử (vi khuẩn ngak jeng kanduh khik ka nyu ndih dalam nan, tuk ini vi khuẩn oh megei hu min jeng oh ka metai) saong nyu hu mbaok di grauk labik vin taom dhar anek manuac. Dom bào tử ini meda megei veik dalam labik oh hu oxy, kayua yau nan ye, taong abih dom janih pandap mbang tame pa-op, pacang sre jeng lac labik lagaih ka dom bào tử botulinum tamuh tagok; saong anek manuac meda njaom jru mek botulinum tuk mbang dom janih pandap tame pa-op, tapaok sil jeng meda rah tabiak.

Tui bác sĩ Hùng, taong abih pandap mbang hu ngak tabiak, pacang sre, tame pa-op atau ba tame mbao sil, vi khuẩn Clostridium botulinum jeng meda cak rok patagok hu. Kayua yau nan ye, piah pacang caga bruk tamuh jru mek, njauk caik hatai tal dom vaktu tuk ngak pandap mbang.

Piah pacang caga bruk njauk jru mek botulinum, TS-BS Lê Quốc Hùng hu panuac kakei, taong abih pandap mbang hu ngak tabiak, tame paok, tame pa-op atau ba tame mbao sil, vi khuẩn Clostridium botulinum jeng meda cak rok patagok hu. Kayua yau nan ye, piah pacang caga bruk mbuan njauk jru mek, njauk caik hatai tal dom vaktu tuk ngak pandap mbang.

Vaktu akaok mereip: Tuk blei pandap mbang daok that, atau tuk ngak pandap mbang buh tame kalaok, urang ngak brei peih ngak di labik hacih sa-at, plaih dhul mul, haluk, cuah gam tame, plaih bruk njaom khuẩn.

Vaktu ka dua: Di bruk tapaok, bhap bani juai tapaok sil pandap mbang meyah oh hu ilamu kỹ thuật khử khuẩn siam mekre yau dom labik ngak pandap. Di sang, mikva meda khik piah ngan haong độ mesam atau độ mbak di pandap mbang labaih 5%, pandar 5g sara ka 100g pandap mbang. Di labik biak mbak, vi khuẩn oh cak rok patagok hu.

Vak tu ka klau: Tuk pandar pandap mbang, mikva njauk mong iek cambaih tukvak pandar di angaok pa-op, mbao tapaok. Nan lac tuk vak bo vi khuẩn oh cak rok patagok hu. Oh mbang pandap mbang tapa harei bilan pandar atau pa-op gah langiu pait pot, kayua lac oh ta-eng botulinum bo dom janih vi khuẩn karei jeng meda ngak brei njuak jru mek, tamuh tabiak khí ngak ve vang  pait pot pa-op pandap mbang.  

Dom janih pandap mbang meda pandar hu tui jalan riak ka nyu jru 100 độ dalam 10-15 phút piah pametai vi khuẩn, patrun bruk njauk jru mek./.