Bruk ralai la-ar ralow rilo mbang jeng khik hu siam mekre, min ralow takik bingi jang. Pagap yau, ralai la-ar mbang ka dua atau mbang ka klau ngak ka ralo salih sambo màu, lahik độ ẩm, tagok bruk oxy hóa asal limek saong protein. Oxy hóa ralow ba tal patrun that ralow. Dom salih karei độ ẩm di ralo jeng ngak brei ralow limin saong hu aia.

Bhian di nyu, ralo hadei di tuk ralai la-ar meda caik gilac veik ngăn ia patau (aia khar) hu  meyah khik piah njauk jalan dalam tu la-ar (ngăn mát) tuk ralai la-ar; ba caik khik la-ar gilac veik dalam klau tal 4 harei; oh caik di gah langiu tapa dua mon; oh caik di nhiệt độ labaih 32 độ C tapa sa mon.

Dom urang ilamu khoa học hu peih bruk roh duah ralai la-ar rilo mbang angaok yaok janih ralow saong tui iek ảnh hưởng di nyu. Urang roh duah mboh lac ba khik la-ar, hadei di nan ralai la-ar ralow limo meda ngak ka klaih ralow lamin jang dut haong dom jalan khik piah saong chế biến bhian mboh. Dom harak gar karei roh duah ka bruk khik piah ralow bhong brei mboh lac caik la-ar ralow dalam tukvak katut panak meda pacang caga hu dom bruk pambak tame oh siam. Bruk caik khik la-ar saong ralai la-ar rilo mbang jeng ngak ka ralow salih sambo màu, min oh njauk hagait tal pren yava tuk mbang.  

Sa roh duah karei mboh lac ralai la-ar ralow rilo mbang oh ngak brei ralow lamin rilo, min meda ngak brei takik bingi saong takik yamen di klaih ralow. Duah thau labaih 400 urang blei pandar di siêu thị pak Thổ Nhĩ Kỳ mboh lac dom baoh sang bhian ralai la-ar menuk la-ar meng lò vi sóng, aia pandao, aia máy atau caik ralo la-ar di gah langiu. Dom jalan ngak ini jeng oh pambak hagait tal sambo màu saong kết cấu di klaih ralo menuk.

Yau nan min, ralai la-ar dalam ngăn mát tu la-ar atau lò vi sóng ngak ka klaih ralo ka-iu veik takik jang jaik 18% dut haong dom jalan ngak karei. Roh duah pabak brei mboh cada menuk khik la-ar saong ralai la-ar rilo mbang, sambo màu saong độ mọng aia dak karei jang.  

Piah khik brei bingi saong hacih sa-at di klaih ralo, dom chuyên gia kakei lac ralai la-ar dahlau di tuk ngak mbang tui klau jalan ngak yau hadei ini:

- Ralai la-ar meng ngăn mát tu la-ar: jalan ngak ini meda lahik meng sa tal 7 harei, tui klaih ralo prong atau sit. Hadei di tuk ralai la-ar, ralo njauk hu ngak mbang dalam klau harei.

- Ralai la-ar meng aia la-ar: ini lac jalan ralai la-ar samar drah di abih, dalam nan urang pandar caik klaih ralo tame dalam kadung nhựa saong xả ala vòi aia la-an. Ralow ralai la-ar tui jalan ngak ini njauk ba nao ngak mbang chip.

- Ralei la-ar meng lò vi sóng: pandap ralai la-ar dalam lò vi sóng njauk ngak mbang chip, kayua lac ngak tui jalan ini meda pambak tal chất lượng di ralow./.