Virus sởi hu hình cầu biak sit, đường kính meng 100 tal 250 mm lac makna ba tal ruak sởi. Tapa jalan suak yava, virus sởi njom tame rup urang ruak. Nyu njom mbak tapa ia prah tabiak meng idung, tarakaong di urang ruak tuk patuk, tuk ndom menyai atau dhung phal.

Ruak sởi bhian mboh di anek kamar saong uranaih sit. Nan ye dom amaik ame caik hatai brei anek klauk ginup dom vaccine caga ruak tui tacei pato di dom  urang y tế piah khik siam prein yava di uraniah.

Ngan saong ruak sởi, meyah sang hu menuac sangka iek glang saong hu labik brei daok karei, meda taong ruak di sang. Njauk thau lac, meyah oh khik hu hacih sa-at saong mbang menyum oh siam lagaih meda ngak ka ruak trak jang.

Tuk urang ruak pandiak glaong, meda pandar jru Paracetamon, yaok harei oh tapa 60 mg ka sa kg teik trak. Njauk parabha jeng 4 mbang menyum dalam harei. Meda pandar dom janih yau ye: jru asar, jru tapung dalam paok saong jru asar caik tame gilaong taok, njauk caik hatai pandar mbiah ginup tui tacei pato.

Njauk caik urang ruak ndih labik lahơi, plaih ngin yuk. Brei menyum ginup ia kayua pandiak glaong bhian ngak brei lahik ia. Njauk brei menyum ia baoh kayau.

Urang ruak meda pandik mata saong tagei, cambuai, nan ye brei ngak hacih sa-at kalik, tagei, cambuai, mata yaok harei piah plaih nhiễm khuẩn. Urang ruak menei, uak rup meng ia pandao, sabon saong khan lamin. Brei menei labik oh hu ngin, oh menei lavik. Njauk caik hatai kalung pabah hacih sa-at tagei, cambuai hadei di yaok var mbang.

Jhui padeih menei ia, kayua ngak yau nan meda ba tal katal kalik, hidung, tarakaong, gaok mai nyu ngak brei laka cambuai, mbuan ba tal laka giác mạc.

Urang njauk ruak sởi bhian klaak mbang kayua laka cambuai. Taglaoh ta-ok saong aih craoh jeng ngak brei rup glaih glar, nan ye brei pabak pandap mbang ka urang ruak piah daong ka urang siam ruak samar drah.

Mbang huak brei hu ginup 4 janih pandap lac: tapung saradang (brah, tapung), chất đạm (ralow, ikan, baoh menuk ada), chất béo (manyek, lamek), vitamin – chất khoáng (njam patam, baoh kraoh).

Uranaih ruak daok mum maik jeng daok brei ka anek mum,  brei mum rilo mbang jang, pambuak haong mbang pabak, lagaih.

Tuk ngak pandap mbang ka urang njauk ruak sởi brei tuk lamin, mbuan ralai, tuk tasak saong parabha jeng rilo var mbang. Siam di abih njauk ngak tui khẩu vị urang ruak.

Njauk caik hatai thau lac: Jhui aun mbang menyum piah samar pabak dom janih dinh dưỡng lahik nao tuk nhiễm trùng. Oh pandar dom janih pandap mbang kan ralai. Menyah uranaih aih craoh atau viêm phổi, brei pabak kẽm meng jalan menyum.

Tuk njauk ruak, brei takik taom gaok, yaok urang dalam sang, urang sangka iek glang urang ruak brei bhian cuk khẩu trang – siuk pabhang mbaok  piah plaih njom mbak ruak.

Meyah baoh ia nyu par min rup daok pandiak atau pandiak veik, patuk rilo jang, patuk khang sap, urang ruak glaih jang, ruak trak jang, kan suak yava, suak yava samar....., urang ruak brei hu pasang iek ruak piah hu taong ruak samar drah./.