Jaik abih uranaih umo ala 5 thun tame iek ruak di Sang iek ruak Nhi đồng 1 hu pambuak tal ruak jalan suak yawa, brei mboh tapa patuk, dalam nan, uranaih umo ala sa thun hu ralo di abih. Kayua umo ini prein pacang ruak oh ka siam, rup oh ka hu kháng thể piah pacang vi khuẩn, virus, dalam 6 bilan akaok meti uranaih taduan kháng thể meng urang maik.

Takik brei ka anek mam, oh sangka tal jalan suak yawa di anek, oh brei mbang hadang, ralow menuk …saong takik caik hatai tal, lac 4 bruk suan bhian gaok di amaik ame tuk iek glang uraniah patuk.

Bruk mbang huak meda daong ka uraniah tagok prein miễn dịch, pacang caga saong pasiam patuk. Hatai sahneng oh brei mbang hadang, ralow menuk piah patrun patakik patuk lac oh njauk. Uranih tok oh brei mbang tuk rup dị ứng. Bruk mbang ginup dưỡng chất hu daong ka rup pabhap khang kadang, hu prein pacang ruak siam, jhul samar bruk abih patuk.

Ralow menuk hu asal dinh dưỡng galong, hu rilo protein, dom  vi chất dinh dưỡng yau: kẽm, pasei saong oh hu asal ngak brei patuk. Tuk uraniah patuk meda ba tal pandik tarakaong, tuk ini bruk mbang menyum jeng kan kandah, piah pabak ginup dinh dưỡng, amaik ame njauk ngak brei mbrang pandap mbang, parabha sit var mbang, menyum jru tui tacei pato di bác sĩ.

Langiu di bruk tui iek prein yava meng mboh patuk, amaik ame njauk sangka pabak ginup dinh dưỡng. Amaik khik bruk brei ka anek mum, parabha jeng rilo mbang. Tuk rup pabhap kurang ia ye labar nyu khal veik, tuk ini menyum ia tasau jeng lac pabak ia, hu daong ka uranaih ralai labar, takik patuk. Bác sĩ Tuấn brei thau: "Rilo amaik oh brei anek mum kayua mboh uraniah taglaoh ta-ok tabiak ia tasau khal, sahneng lac ini bruk oh tiêu. Hatai sahneng ini lac suan, ia tasau hu uraniah mum, ba trun dạ dày, taom gaok acid dalam dạ dày nan ye nyu khal yau nan".

Daok ngan saong anek kamar (meng bahrau ndih tapui tabiak tal 3 bilan meteh), tuk nhiễm trùng jalan suak yava bhian oh mboh hagait cambaih laih, patuk biak takik, meyah tok sangka tal sap patuk ye amaik ame bhian njauk lah pasot. Tuk ini amaik ame njauk caik hatai iek uraniah kan suak yava halei oh, tuk mboh anek glaih, hu hagait karei, njauk ba tal labik y tế piah pasang iek ruak, samar hu tacei pato. Dom chuyên gia jeng brei thau, amaik ame meda thau ka prein yava di anek tapa sap patuk. Pagap yau, cảm lạnh, viêm dhung, viêm tarakaong, viêm xoang, viêm amidan bhian patuk thu atau patuk hu labar kayua dịch sraiy tabiak meng xoang atau dhung likuk./.

Urang lang: Ai Nghiem – 28/4/2022