Di Sang iek ruak Nhi Đồng 2 Ban raya HCM, meng bilan 10 tal urak ini, ruak jalan suan yava biak ralo, rilo abih di nyu ieu lac ruak pandik tal kaong, ruak pandik phổi bội nhiễm. Di khoa Hô hấp 2, manuac ruak ralo jang manieng ge ndih ka urang ruak, mada hu tuk ralo jang sa mateh mbang. Di Khoa hô hấp 2, mada hu tuk anek naih ruak trak dalam bilik cấp cứu mala umo 6 bilan thun. Min bruk ieik ruak khik hu karo.

Tui Sang iek ruak Nhi đồng 2 brei thau, di dalam dom anek naih ruak viêm tiểu phế quản hu dut iek meng bilan 10 thun ini, rilo di nyu mboh njauk ruak RSV - vi-rút hợp bào suan yava, bhian ba tal ruak viêm tiểu phế quản di vaktu ini di dalam thun. Dom anek naih ruak khang ruak trak hu dut PCR iek mboh njom njauk Adenovirus.  

Bác sĩ Trần Quỳnh Hương, Jabat khoa suan yava, sang iek ruak Nhi đồng 2 brei thau lac, urak ini ieu lac njauk masa tamuh jit ruak siêu vi, langik salih bilan oh siam ngak ka ruak hen suyễn mbuan si tamuh ralo jeng ye mbuan si ruak trak ruak khang:“Dom uranaih bo ruak mboh khang trak drah trak samar, bhian mai meng dom anek naih mala umo 6 bilan. Atau hu uranaih hu ruak dahlau dalam rup, pagap yau ruak jalan suan yava, phổi biak trak, hu ruak dalam ralaow darah. Nyu mada hu ruak di dalam rup pagap ye ruak suak yawa, ruak phổi mạng tính, ruak dalam darah. Kayua dalam rup anek naih laman lamuai njauk ruak mbuan si tamuh ruak, tuk njom vi rút ye jeng mbuan trak jang”.

Daok di Sang iek Nhi đồng 1, dut saong tukvak masa ini di yaok thun dalau mbh takik hasit, min tapi anak naih ruak tame sang eik ruak jeng biak ralo. Uranaih eik ruak di Jabat khoa hô hấp rilo di nyu ieu lac njauk laka jalan suak yava, dalam nan hu rilo anek naih ruak trak, ralo di nyyu mboh ruak praong ruak sit jalan phổi. rilo amaik ame di nyu ba dom anek naih dil sumu tal sang iek ruak dalam nan mboh labaih 60% anek naih ruak meng tinh mai.

Bác sĩ CK2 Nguyễn Minh Tiến, Phaok yam ndok Sang iek ruak Nhi đồng ban raya HCM, kakei brei tal urang ngak amaik ame njauk caik hatai tuk ieik glang sangka piah thau dalau ruak tamuh khang ruak trak:“Caik hatai tui iek anek naih suak yawa, caik hatai ieik cada dui luk ha oh. Mayah boh anek naih luk cada, mboh kulik kanyik hitam, suak yawa mboh karei, mboh anek naih klak mbang huak, klaak mum, blaoh ndih rilo, hana kan pamadeih, yawa dui rit atah. Mada jeng hu ruak jalan suak yawa njom tapa ruak glo, njauk drah samar ba chip nao tal sang iek ruak”.

Tui dom urang gah ilamo roh duah, virut njom ruak suak yawa ieu lac janih ruak bhian mboh ralo di dom anek naih, ralo abih di nyu mboh di dom bilan hujung thun tuk langik laar, hajan rilo. Bruk njom ruak saong metai lahik kayua anek naih ruak viêm phổi trak di bhum palei gah maraong negar dalam dom thun blaoh oh ka mboh salih bahrau. Rilo meng lac dom uranaih metai kayua ruak suak yava khang trak dahlau dalam rup, yau ye tuk manek mada bilan, hanjul kilo, ruak phổi mạn, rup hu laka, kurang prein pacang caga, ruak dalam ralaow darah,.. Dom janih ruak yau yaok meng blaoh ralo mboh hana kan, bruk padam patrun pacang takik urang metai di janih ruak ini brei ka uranaih di dunya masa ini oh mbuan si kuhria dalam nan hu taneh iar nagar drei.

Kayua yau nan ye Jabat Sở Y tế TP.HCM kakei, hu ba jalan langyah daong pacang caga brei patakik bruk njom mbak ruak dalam rahra lac paglaong bruk pathau khan peih ngak siam bruk puh ramik alam, hacih rup pabhap, bhian cuh pataik pacang mbaok, rao tangin meng sabon, pacang cambuai tuk patuk, tuk galak, oh pacuac kahat ia pabah ia mabar barat bar glai bar klo..