Dom urang tame negar tui jalan kapan haoh njauk hu harak dut iek mboh âm tính haong SARS-CoV-2

Piah peih ngak viek tui jalan ngak “salih bahrau siam makre, salamat, pasang iek siam lagaih jit ruak COVID-19", Mintri Y tế pato tacei peih ngak dom bruk pacang caga jit COVID-19 ngan haong urang tame negar Việt Nam yau hadei di ini:

Bruk pacang caga jit ngan haong urang tame negar:

Ngan haong urang tame negar tui jalan kapan haoh: njauk hu harak dut iek mboh âm tính haong SARS-CoV-2 (oh kuhria ranaih umo ala 2 thun) dahlau di tuk par dalam 72 maong mayah dut iek meng RT-PCR/RT-LAMP atau dalam 24 maong mayah dut iek samar kháng nguyên ngan haong virus SARS-CoV-2 saong hu jabat hu thẩm quyền di taneh ia nan dut iek, brei harak chứng nhận.

Ngan haong dom urang tame negar tui dom jalan karei, yau ye jalan radaih, jalan kapal jeng njauk hu harak dut iek yau dom urang tame negar meng jalan kapan haoh.

Daok dom urang oh ka hu harak dut iek mboh âm tính haong SARS-CoV-2, njauk peih bruk dut iek SARS-CoV-2 dalam 24 maong camriep meng di tuk tame negar.

Mayah dut iek mboh âm tính ye hu brei tabiak truh labik daok. Mayah dut iek mboh dương tính ye njauk khan chip ka jabat y tế pak nan thau piah hu pato tacei langyah samar drah.

Ngan haong ranaih umo ala 2 thun oh njauk dut iek SARS-CoV-2, saong hu mbaok tame dom bruk ngak di langiu labik daok haong amaik, ame, gauk gar.

Njauk pathau khan y te dahlau di tuk tame negar

Urang tame negar njauk pathau khan y te dahlau di tuk tame negar saong pandar ứng dụng pathau khan y tế (PC-COVID) dalam tukvak daok di Việt Nam. Di pabah mbang negar mayah mboh dalam rup dreih yau njom SARS-CoV-2 (pandiak, patuk, pandik tarakaong, sre ia idung, gar idung, pandik rup pabhap, glaih glar, sru laar, mbang huak oh mboh bingi, pandik akaok, aih traoh, kan suak yava, …) njauk pathau khan chip haong jabat y te di pabah mbang negar piah peih ngak dom bruk y te tui njauk adat.

Tui iek prein yava saong peih ngak dom bruk pacang caga jit ruak COVID-19

Dalam tukvak 10 harei meng di tuk tame negar: eng drei tui iek prein yava, mayah mboh dalam rup medil lac njom ruak SARS-CoV-2 (pandiak, patuk, pandik tarakaong, sre ia idung, gar idung, pandik rup pabhap, glaih glar, sru laar, mbang huak oh mboh bingi, oh daok mboh mbau hagait tra, pandik akaok, aih traoh, kan suak yava, …) njauk khan chip ka labik y te labik jaik di abih piah hu pato tacei, khik iek samar drah;

Peih ngak dom bruk pacang caga jit ruak, bhian cuk pataih pacang mbaok, rao tangin meng ia jru pametai anek ruak.

Ngan haong dom urang ka oh hu harak dut iek mboh âm tính haong SARS-CoV-2 dahlau di tuk tame negar: dalam tuk mai meng pambah mbang negar tal labik daok, patakik padieh di krieh jalan, plaih taom gaok jaik haong dom urang daok vil var nan./.

Urang lang: Thu Thao – 22/03