Patei hu rilo janih vitamin yau: vitamin A, vitamin C, vitamin K haong dom janih yau kali, canxi, pasei, kẽm, selen, magie, mangan, natri, iốt saong phốt pho... Patei hu biak rilo kali. Kali lac sa khoáng chất hu makna praong saong hu rilo bruk ngak dalam rup pabhap. Hu ginup kali dalam pandap mbang manyum ngak brei trun darah meyah tagok darah. Nan ye rup hu ginup kali meda khik brei klah njauk đột quỵ saong ruak baoh hatai. Patei bhian hu mbang dalam tuk pahat rup piah pabak năng lượng.

Mbang patei di tuk mesup siam halei oh? Oh hu sa roh duah halei brei mboh lac jhui mbang patei di tuk mesup atau patei oh siam ka prein yava di sa tukvak halei cambaih laih dalam harei. Min njauk caik hatai tal dom pandap mbang dalam var mbang nan hu dom janih dinh dưỡng yau habar, tuk mbang bo oh hu protein atau chất béo ye njaom tame darah samar jang rilo saong meda ngak brei tagok glucose saong năng lượng dreih yau sa "baoh mbom sit". Nan ye, mikva jhui mbang baoh kayau kuhria gam baoh patei di tuk mesup, tuk tian lapa.

Piah jhul saradang dalam darah hu tani tanat, mikva njauk mbang baoh kayau yau ye baoh patei, quả mọng haong chất béo atau protein khang kadang. Dalam var mbang mesup mikva meda mbang patei haong dom pandap siam karei piah pabak dinh dưỡng. Patei meda daong pabak var mbang mesup khang kadang haong rilo chất xơ saong hasit sara, limek saong saradang pabak tame.

Rilo menuac lac mbang patei tuk tian lapa oh siam ka dạ dày min biak di nyu baoh kayau biak siam saong lac sa binah praong di var mbang mesup siam mekre, nan ye meda pabak ngũ cốc haong sa baoh patei di tuk mesup.

 Urang ruak ma-ik saradang mbang patei di tuk mesup hu halei oh? Tui ThS.BS Nguyễn Thu Yên, chuyên khoa Nội tiết - Đái tháo đường, Sang iek ruak Đức Giang, patei hu chỉ số đường huyết daok di tanut biar atau mbiah (meng 42 - 62), tui patei tasak rilo atau takik. Patei katam atau tasak hu rilo saradang saong rilo tabung jang patei hijao, chỉ số đường huyết jeng glaong jang patei hijao.

Patei hijao siam ka urang ruak me-ik saradang kayua nyu ngak brei tagok đường huyết saong ngak pasiam saradang dalam darah. Dom tapung dalam patei hijao meda daong pasiam độ nhạy insulin.

Yaom lac patei siam ka prein yava min urang me-ik saradang jhui mbang patei tuk tian lapa, kayua nyu meda ba tal dom kan kandah ka urang ruak.

Patei hu saradang glaong jaik 25%. Nyu hu 3 janih saradang karei gauk lac fructose, sucrose saong glucose. Nyu pabak năng lượng chip saong samar drah ngak brei tagok saradang dalam rup. Năng lượng samar drah ini daok veik dalam dom mon saong mbuan ba tal bruk oh lagaih gah saradang. Nyu meda ngak ka mikva mboh glaih glar saong ba mai rilo kanjah jhak jang kein laba. Kayua yau nan ye, urang njauk ruak me-ik saradang jhui mbang patei tuk tian lapa saong siam di nyu brei mbang dom baoh patei sit, oh tasak rilo saong mbang rilo janih baoh kayau dalam harei./.